यहेजकेल 45

देश की जमीन म परमेश्वर को हिस्सा

1 "जब तुम चिट्ठी डाल क देश ख बाटो, तब देश म सी एक हिस्सा पवित्र जान क परमेश्वर ख अर्पन करो; ओकी लम्बायी पच्चीस हजार बांस की अऊर चौड़ायी दस हजार बांस की होना, ऊ हिस्सा अपनो चारयी तरफ की सीमा तक पवित्र ठहरे। 2 ओको म सी पवित्र जागा लायी पाच सौ बांस लम्बी अऊर पाच सौ बांस चौड़ी चौकोन जमीन होना, अऊर ओको चारयी तरफ पचास पचास हाथ चौड़ी जमीन खुली रहे। 3 वा पवित्र जागा म तुम पच्चीस हजार बांस लम्बी अऊर दस हजार बांस चौड़ी जमीन ख नापो, अऊर ओकोच म पवित्र जागा बनावो, जो परमपवित्र ठहरे। 4 जो याजक पवित्र जागा की सेवा करे अऊर परमेश्वर की सेवा करन ख जवर आये, ऊ उन्कोच लायी हो; वहां उन्को घर को लायी जागा हो अऊर पवित्र जागा लायी पवित्र ठहरे। 5 फिर पच्चीस हजार बांस लम्बो, अऊर दस हजार बांस चौड़ो एक हिस्सा, भवन की सेवा करन वालो लेवियों को बीस कमरा को लायी होना।"

6 "फिर नगर लायी, अर्पन करयो हुयो पवित्र हिस्सा को जवर तुम पाच हजार बांस चौड़ी अऊर पच्चीस हजार बांस लम्बी, विशेष जमीन ठहराजो; ऊ इस्राएल को पूरो घराना लायी होना।"

मुखिया लायी जमीन

7 "मुखिया को निजी हिस्सा पवित्र अर्पन करयो हुयो हिस्सा अऊर नगर की विशेष जमीन को दोयी तरफ मतलब दोयी को पश्चिम अऊर पूर्व दिशावों म दोयी हिस्सावों को सामने हो; अऊर उन्की लम्बायी पश्चिम सी ले क पूर्व तक उन दोयी हिस्सावों म सी कोयी भी एक को तुल्य होना। 8 इस्राएल को देश म मुखिया की याच निजी जमीन हो। मोरो ठहरायो हुयो मुखिया मोरो लोगों पर फिर अत्याचार नहीं करे; पर इस्राएल को घराना ख उन्को कुल को अनुसार देश मिले।"

मुखिया को लायी नियम

9 "परमेश्वर यहोवा यो कह्य हय : हे इस्राएल को मुखियावों! बस करो, उपद्रव अऊर उत्पात ख दूर करो, अऊर न्याय अऊर धर्म को काम करतो रहो; मोरी प्रजा को लोगों ख निकाल देजो छोड़ देजो, परमेश्वर यहोवा की या वानी आय।

10 ✝ 45:10 लैव्यव्यवस्था १९:३६ "तुम्हरो जवर सच्चो तराजू, सच्चो एपा, अऊर सच्चो बट रहे।

11 "एपा अऊर बट दोयी एकच नाप को होना, मतलब दोयी म

कुड़ो को दसवों अंश समाये; दोयी को नाप कुड़ो को हिसाब सी होना।"

12 शेकेल

बीस गेरा को होना; अऊर तुम्हरो माना बीस, पच्चीस,

यां पन्द्रा शेकेल को होना।

13 "तुम्हरी उठायी हुयी भेंट या होना,

मतलब गहूं को कुड़ो सी एपा को छटवों अंश,

अऊर जौ को कुड़ो म सी एपा को छटवों अंश देजो।

14 तेल को निश्चित अंश कोर म सी बट को दसवों अंश होना;

कोर त दस बट मतलब एक कुड़ो को बराबर हय, कहालीकि कुड़ो दस बट को होवय हय।"

15 इस्राएल की अच्छी अच्छी चराइयों सी दोय दोय मेंढि-शेरियों म सी एक मेंढी यां शेरी दियो जाये।

हि सब चिजे अन्नबलि, होमबलि अऊर मेलबलि लायी दियो जाये जेको सी उन्को लायी पश्चाताप करयो जाये, परमेश्वर यहोवा की या वानी हय।

16 इस्राएल को मुखिया लायी देश को सब लोग या भेंट दे। 17 त्यौहारों, नयो चन्दा को दिनों, आराम दिनों अऊर इस्राएल को घराना को सब निश्चित समयों म होमबलि, अन्नबलि, अऊर अर्घ देनो मुखिया कोच काम हो। घराना लायी पश्चाताप करन लायी ऊ पापबलि, होमबलि, अऊर मेलबलि तैयार करे।

त्यौहार

18 "परमेश्वर यहोवा यो कह्य हय : पहिलो महिना को पहिलो दिन ख तय एक निर्दोष बछड़ा ले क पवित्र जागा ख पवित्र करजो। 19 यो पापबलि को खून म सी याजक कुछ ले क भवन को चौखट को खम्बा, अऊर वेदी की कुर्सी को चारयी तरफ कोना, अऊर अन्दर को आंगन को फाटक को खम्बा पर लगाये। 20 फिर भूल सी यां अज्ञानवश जिन्न पाप करयो होना उन्को लायी महिना को सातवों दिन ख भी असोच करजो; योच तरह सी भवन को लायी पश्चाताप करजो।"

21 "पहिलो महिना को चौदावों दिन ख तुम्हरो त्यौहार होतो रहे, ऊ सात दिन को त्यौहार हो अऊर ओको म अखमीरी रोटी खायी जाये। 22 ऊ दिन मुखिया अपनो अऊर प्रजा को सब लोगों को निमित्त एक बछड़ा पापबलि लायी तैयार करे। 23 त्यौहार को सातों दिन ऊ परमेश्वर को लायी होमबलि तैयार करे, मतलब हर एक दिन सात सात निर्दोष बछड़ा अऊर सात सात निर्दोष मेंढा अऊर हर दिन एक एक बकरा पापबलि लायी तैयार करे। 24 हर एक बछड़ा अऊर मेंढा को संग ऊ एपा भर अन्नबलि अऊर एपा को पीछु हीन*45:24 लगभग ४ लिटर भर तेल तैयार करे।

25 "सातवों महिना को पन्द्रावों दिन सी ले क सात दिन तक मतलब त्यौहार को दिनों म ऊ पापबलि, होमबलि, अन्नबलि, अऊर तेल याच विधि को अनुसार करे।"