उत्पत्ति 16

हाजिरा अऊर ओको बेटा इश्माएल

1 अब्राम की पत्नी सारै की कोयी सन्तान नहीं होती : अऊर ओको जवर हागार नाम की एक मिस्री दासी होती। 2 सारै न अब्राहम सी कह्यो, "देख, प्रभु न त मोरी कोख बन्द कर रखी हय येकोलायी मय तोरो सी बिनती करू हय कि तय मोरी दासी को जवर जा; सम्भव हय कि मोरो घर ओको द्वारा बस जाये।" सारा की यो बात अब्राम न मान ली। 3 येकोलायी जब अब्राम ख कनान देश म रह्यतो हुयो दस साल बीत गयो तब ओकी पत्नी सारै न अपनी मिस्री दासी हागार ख ले क अपनो पति अब्राम ख दियो, कि वा ओकी पत्नी हो।