Gênesis 17

3 तब अब्राम मुंह को बल गिरयो : अऊर परमेश्वर ओको सी यो बाते करतो गयो, 4 "देख, मोरी वाचा तोरो संग बंधी रहेंन, येकोलायी तय कुछ राष्ट्रों को बुजूर्ग बनजो। 5 ✝17:5 रोमियों 4:17येकोलायी अब सी तोरो नाम अब्राम नहीं रहेंन पर तोरो नाम अब्राहम होयेंन; कहालीकि मय न तोख कुछ राष्ट्रों को बुजूर्ग बनायो हय। 6 मय तोख बहुत जादा वंशज देऊं, अऊर ओको म सी कुछ राजा होयेंन। अऊर तोरो जवर इतनो वंशज होयेंन कि हि राष्ट्र बन जायेंन।

7 ✝ 17:7 लूका 1:55; गलातियों 3:16 "अऊर मय तोरो संग, अऊर तोरो बाद तोरो वंश की पीढ़ी को संग हमेशा लायी अपनो विधान स्थापित करू हय कि मय तोरो अऊर तोरो बाद तोरो वंश को परमेश्वर रहूं। 8 ✝17:8 प्रेरितों 7:5अऊर मय तोख, अऊर तोरो बाद तोरो वंश ख भी, यो पूरो कनान देश, जेको म तय परदेशी होय क रह्य हय, यो रीति सी देऊं कि वा हमेशा हमेशा उन्की अपनी जमीन रहेंन, अऊर मय उन्को परमेश्वर रहूं।"

9 तब परमेश्वर न अब्राहम सी कह्यो, "तय भी मोरो संग बान्धी हुयी वाचा को पालन करजो; तय अऊर तोरो बाद तोरो वंश भी अपनी अपनी पीढ़ी म ओको पालन करे। 10 ✝17:10 रोमियों 4:11; प्रेरितों 7:8मोरो संग बान्धी हुयी वाचा, जेको पालन तोख अऊर तोरो बाद तोरो वंश ख करनो पड़ेंन, ऊ यो आय : तुम म सी एक एक आदमी को खतना हो। 11 तुम अपनो अपनो बच्चा को खतना कराय लेवो : जो वाचा मोरो अऊर तुम्हरो बीच म हय, ओको योच चिन्ह होयेंन।