Efésios 5

22 Rəkɔ, ayashe mbrə̈ tə̂ əndje teashe gâ ətshi aläkɔ̈ əndje, a pa də gâ ətshi Âgbɔ̂ Əyïngerə kə sə̂, 23 mbrə ə̂në koshe sə tə kumu yashe, mata ə̂në Kristə nə sə tə kumu Laglizə ə̂në ə sə tə tshekotə̂ ye â tshə sə tə Awoshe nə kɔ. 24 Mata ə̂në Laglizə sə kə mbrə tə̂ ye teashe ətshi Kristə kɔ, lə aərə nɔ̂, ayashe mbrə̈ tə̂ əndje teashe ətshi aläkɔ̈ əndje.

25 Akoshe, e yïndə alawɔ e mata ə̂në Kristə nə yîndə Laglizə nə kɔ: tshə kâ tə̂ ye mbrə nə, 26 ndə kə pa tshə yutu də ə̂ngû*5.26 Ə̂ngû: Ə yində kə pa ndə əpʉ batamo. Wu Tit 3.5; Zââ 15.3. gâ ndə Əpʉ kanika ə za kpî mbrə ətshə 27 ə wutu də Laglizə səkɔ lə ə̂yî gashu ətshi ye ka ə̈bə̈ ərə tshe tshekotə̂ nə tshe bale ne, wala tshekotə̂ nə ngbu ngbru gâ tə̂ nə ne, wala ə̈bə̈ əmbrʉ ərə sə sə tə̂ nə bale ne, bale ə sə kpî ə sə mvo. 28 Äwä bale ndje, akoshe lï ndə kə pa əndje yində alawɔ əndje mata tshekotə̂ əndje də ə̂tə̂ əndje. Əzü ə̂në tshə yində əwɔ nə, tshə yində ə̂tə̂ ye də ə̂tə̂ ye. 29 Mbrə ə̂në, alɔ bale tshelə ə̈bə̈ əzü wa wəra tə̂ ye də ə̂tə̂ ye tə̂ ye ne. Bale, əzü sə kə ko rəgo kə əndu ye â sə kə ga ndə nə, mata ə̂në Kristə nə ə mbrə mbrə Laglizə nə kɔ, 30 mbrə ə̂në əzə̂ sə tə aərə tshekotə̂ ye nə. 31 Mata ə̂në əndje tâ lə Fraka nə̂ Ndjapä ə pa: «Âdârə ə̂në koshe sə kə katə̂ abä nə də əyï nə tʉ â tɔ popo əwɔ nə â əndje bishi sə kə sə tə əzü kpiabale kɔ kə sə̂.»*5.31 Wu Vɔtə̂ 2.24. Wu ndje Mar 10.7-8. 32 Ə̈bə̈ âgbɔ̂ djatra əpʉ ə̂në ə zâ tə̂ ye wû kɔ sə lə əpʉ səkɔ, â əmə, mə pa əpʉ səkɔ sə gâ pâ əpʉ nə̂ Kristə də Laglizə. 33 Əpʉ səkɔ wu e ndje: əzü bale bale lə takpa tə̂ e yïndə əwɔ nə mata ə̂në tshə yində ə̂tə̂ ye də ə̂tə̂ ye kɔ, ndje yashe kpë rawa äkɔ̈ nə.