10 Mbrə ə̂në, kədə ə̈bə̈ əzü kə bata aəpʉ nɔ̂ ə̂në ə sə lə âgbɔ̂ əpʉ nə kɔ, â bale, kədə tshə ndɨ kʉtə̂ ə̈bə̈ əpʉ nə bale, kandää əpʉ âgbɔ̂ əpʉ nə nɔ̂ sə gâ lə kumu ye. 11 Mbrə ə̂në Ndjapä nə ə̂në tshə pâ: «Pä prä yashe wala koshe kpî tə̂ əwɔ zə wala tə̂ äkɔ̈ zə ne» kɔ, pâ ndje: «Wö əzü wö.»*2.11 Wu Wutu 20.13,14. Rəkɔ, kədə bə pra yashe wala koshe pra kpî tə̂ əwɔ zə wala tə̂ äkɔ̈ zə ne, bale â wo əzü kɔ, bə mbrə tə awombrə ərə kpî tə̂ âgbɔ̂ əpʉ nə gâ ye. 12 E pä əpʉ ə mbrə̈ ərə mata azü ə̂në Ndjapä sə kə wa ngbanga gâ lə kumu əndje Lïndə̂ âgbɔ̂ əpʉ ə̂në ə djɔ əzü lə kanga kɔ.