Atos 16

25 Papipi na meku Pauli na Sila baai kabasali no yi’mba myambo ya kunnumba Nnu’ngu', na ku’no atabilwe bi’ngi' baai kabaapi’kania. 26 Kwa kiimuimu kwapitike nnendemo nku’lu' wa bwi', wawalendemiye nyumba ya atabilwe. Popopo milyango yoti na pingwi ya atabilwe abo, yateyu’gu’ka. 27 Asikali wa nyumba ya atabilwe paayumwike na kwibona milyango ya nyumba ya atabilwe iyu’gu’lilwe, akitage panga atabilwe boti batolwike, na nyo aasolomwi lipanga lyake pala kwibulaga. 28 Lakini Pauli ngakema kwa lilobe liku’lu', "Kanewibulage wamwene kwa mwanjaa twenga tubile papanopano!"

29 Bu’ka pa kunkema mundu leta lumuli, aywo asikali wa nyumba ya atabilwe aabutuki nnyumba ngaitaikulya nnu’ngi' ya magu’lu' ga Pauli na Sila, ku’no kalendema kwo yogopa. 30 Bu’kapo aatikwalongoya panja, ngaalaluya, "Mwabakoo, nipange buli li’nga nikosopolelwe?" 31 Bembe ngabannyangwa, "Umwu’bi’li Bwana Yesu nawenga walu’a kosopolelwa, pamope na alongo boti ba pansengo wako." 32 Bai, ngabamwalya liyi’gi’yo lya Bwana, ywembe na bandu ba pansengo wake woti. 33 Yu’lu' asikali aatikwapu’twa saa yi’yi’lu’yi’lu' ya kilo ngaagu’lwa mabanga gabe, bu’kapo ywembe na alongo bake ngababatisilwa popopo. 34 Bu’kapo ngaalongwana nabo Pauli na Sila kasake na kwapeya kilyo. Ywembe na alongo bake boti ngabapanga si’li’ku’si’li’ku' kwa kitumbu sa nambi’yambi' bamwu’bi’li Nnu’ngu'.