Atos 2

41 Bai, baingi baatikugayi’ki’tya mayi’gi’yo gake Petili, ngababatisilwa. Na lisu’ba lyo bandu bateyongekeya ika kati mitumbi elupu itatu. 42 Abo boti ngabayendelya binia kwiyi’gana bu’ka kwa atumilwe, tama pamope kati alongo, metwana makati, lya pamope no lu’ba Nnu’ngu'.

Maisa ga aumini ga kila lisu’ba

43 Kila mundu ngannyogopa Nnu’ngu', kwa mangelongelo na myasu yambone yayaapangilwe kwo pi’tya atumilwe. 44 Babaau’bi’li boti baayendeli ba pamope na mali yabe baatibaganana. 45 Baapi’miye migunda na ili’be yabe, bu’ka po, baabagine mbanje bu’kana na mwaipalikwa kwa kila mundu. 46 Kila lisu’ba baabile kabakongolekana pamope mulua lwa nyumba ya Nnu’ngu'. Bametwanage makati no kwembana mumisengo yabe lya kilyo so kwo napusika na kwa mwoyo nnogau. 47 Bankwi’yite Nnu’ngu' no pendelwa na bandu boti. Kila lisu’ba Bwana aatikwayongekeya mitumbi ya bandu, babaabile kabakosopolelwa.