11 Amo nnyumba, ngampitya malaika wa Nnu’ngu' ywayi’mi kummalyo ga kibi’ki’lyo so ukiya ubani. 12 Paamweni, Zakalia aapatike ntenyo no yogopa. 13 Lakini malaika wa Nnu’ngu' ngammakia, "We wa Zakalia, kaneuyogope, mwanjaa gonnu’bite Nnu’ngu' akuyu’wine. Nnyumbogo Elisabeti alu’a kupapya mwana nnalu’me, na lina lyake wantine Yoani. 14 Waalu’a napusika muno na bandu baingi baapanga si’li’ku’si’li’ku' kwa kitumbu so belekwa kwake. 15 Alu’a panga wa mpu’ku’bi’la nnu’ngi' ya Nnu’ngu'. Aalu’a lobyali wi’mbi' wowoti, aalu’a twi’li’yi’lwa Loo Mpeleteu bu’ka mundumbo ya mau' bake. 16 Aalu’a kwagalambwa bandu baingi ba Isilaili baamuyangani Nnu’ngu' wabe. 17 Aalu’a kunnongolya Bwana, ku’no kalongoyelwa na makakala ga Loo Mpeleteu kati nnondoli wa Nnu’ngu' Elia. Aalu’a kwaawana akinatati' na bana babe, na kwigalambwa myoyo ya kimbu’ku’su' babe na malango kati mwabapanga bandu ba Nnu’ngu', bu’kapo ammi’ki wiso Bwana bandu bake."