LUKA 13

12 Yesu pamweni aatikunkema ngammakia, "Mau', utamwe winu mutepulilwe." 13 Aammi’ki maboko gake pantwe na popopo, yi’ga yake yapatike makakala go yi’ma kai' na ankwi’yite Nnu’ngu'. 14 Lakini mpi’ndo wa nyumba ya kunnu’ba Nnu’ngu' aatiusika kitumbu sa Yesu kuntepwa mau' ywo lisu’ba lya Sabato ya Ayahudi. Kwa nyo, aabakiye bandu babaabile palu', "Mubile na masu’ba sita go panga kasi, bai mugatumi masu’ba go isapala pona matamwe ginu, lakini kanemwise lisu’ba lya Sabato ya Ayahudi."

15 Apo Bwana ngannyangwa, "Mwenga mwa anapiki! Nyai kwinu ywalu’e somwa yu’gu’lya ng’ombe bake au mbu’nda bake mukyu’ngu’lu' annongoye kunyweli wa masi' ata likabile lisu’ba lya Sabato ya Ayahudi? 16 Tumbwe pano kubile na mwi’nja wa Bulaimu, ywembe Ibilisi ampangite alemale kwa myaka ku’mi na minane. Buli, yanogeleli lili kunnyu’gu’lya muutabilwe wake lisu’ba lya Sabato ya Ayahudi?"