LUKA 9

Yesu atuma balu' ku’mi na abi’li'

1 Yesu aakemite balu' ku’mi na abi’li' na kwapeya uweso wo bi’nga moka na kwatepwa atamwe. 2 Kai', ngaatuma bakaale Ukulungwa wa Nnu’ngu' na kwatepwa atamwe. 3 Aalagi, "Pamuyabwa mwanja kanemupu’twe kikowe sosoti, kanemupu’twe lukongoso wala nsaku, wala masulupu, wala mbanje wala kanemwapu’twe ata nganju yo bi’ki’ya. 4 Pansengo wowoti wabankemya no yingya, mwatame po mpaka pamwabu’ka pakilambo so. 5 Bandu mana bakani kunkemya, mubu’ke pakilambo so no paapata ata lyu’ku’mbi' lyalinamati mumagu’lu' ginu. Awo wapanga kati mwasu wa lukilo lwabe." 6 Bai, baatumbwi mwanja bapi’ti muilambo kabaala Abali Inannoga na kwatepwa atamwe kila pandu.