Amuna andǝ amǝkau a tàu mala Nuhu
1 Amǝnia ka à nda ka amuna andǝ amǝkau a tàu mala Shem, andǝ Ham, andǝ Jafet, yì amuna-burana mala Nuhu. Yia mǝnia tàrú ka à ɓǝlki amuna anzǝm málá mala mùr-gùla.
Tau mala Jafet
2 Amuna-burana mala Jafet10:2 Jafet ka nda tár amǝ Gǝrik. ka à nda ka:
Goma10:2 Goma ka nda tár amǝ Cimmeri., Magog, Madai10:2 Madai ka nda tár amǝ Medes a nzali Assuriya., Javan10:2 Javan ngga nda tár amǝ Hellen., Tubal, Meshek10:2 Meshek ka nda tár amǝ Musku. andǝ Tiras10:2 Tiras ka nda tár amǝ nzali Tǝres..
3 Amuna andǝ amǝkà Goma ka à nda ka:
Amǝ Asǝkena, amǝ Rifat andǝ amǝ Togama.
4 Amuna andǝ amǝkà Javan ngga à nda ka ɓwapǝndǝa mala anzali:
Elisha, Tarshi,10:4 Tarshi ka nda nzali Sǝpen. Kitim,10:4 Kitim ngga nda nzali Sayipǝrus. andǝ Rodanim10:4 Rodanim ngga nda nzali luran Rodis..
5 (A tǝrta aɓwana mǝnia ka sǝ aɓwapǝndǝa mǝnana à duki arǝ aluran aɓa nggeamùr andǝ akún nggeamùr ka à puro. À nda ka amǝkà Jafet mǝnana à mesǝe arǝ anzali ɗàngɗáng, sǝ koyan ateà ka à súrǝì nǝ kún male, sǝ tàu male, andǝ nzali male mǝnana pàk kàm ngga.)
Tau mala Ham
6 Amuna-burana mala Ham ngga à nda ka:
Kush10:6 Amǝ Kush ka nda nzali Nubiya, Itiyopiya andǝ Sudan., Mizǝrayim10:6 Amǝkà Mizǝrayim na à do a nzali Masar ka., Put10:6 Amǝkà Put kya do a nzali Libiya. andǝ Kan’ana.
7 Amuna mala Kush ka à nda ka
Seba,10:7 Amǝ Seba ka à do a nzali Masar. Havila,10:7 Amǝ Havila ka à do a takuli mala nzali Arabiya. Sapta,10:7Amǝ Sapta ka à do a bu njar-nzali mala kún nggeamùr mala amǝ Pashia. Raama,10:7 Amǝ Raama ka à do nre njar kún múr andǝ njar-nzali a nzali Arabiya. andǝ Sapteka.10:7 Amǝ Sapteka ka à do a Samudeka a kún nggeamùr mala amǝ Pashia
Amuna mala Raama ka à nda ka
Sheba10:7 Amǝ Sheba ka à nda ka amǝ nzali njar kún múr mala nzali Arabiya. andǝ Dedan.10:7 Dedan ngga à nda ka amǝ nzali njar-nza mala nzali Arabiya.
8 Ɓè ɓwa atà amǝkà Kush ka nda Nimro. Yì Nimro ka nda ɓwa mǝnana tita duk ɓwa mǝcandǝe a ɓanza ka. 9 Nǝ́ pâ gbasha mala Mǝtalabangŋo ka, yi duk nggeà kanggǝrang mǝ’nta. Acemani ka aɓwana kǝ na ama, <<Ɓǝ̀ Mǝtalabangŋo tsǝo wu duk kanggǝrang mǝ’nta kǝla Nimro!>> 10 Anggea-là mǝnana à ɓoaro à kutiban kat aɓata nzali-murǝm mala Nimro a nzali Shinar10:10 Shinar ka nda nzali-murǝm mala Babiloniya a njar-kúnmur aɓa nzali-gula Mesopotamiya a pwarian ɓara-ɓara; Amǝ nzali Babiloniya limurǝm a lwa amur amǝ nzali Isǝrayila kǝla pǝlǝa gbǝman tongno-nong-mwashat, kaniama ɓǝ̀ Kǝrǝsti yiu (600 BC). À pwan amǝ Isǝrayila à umnǝia a do bǝri-nzali a nggea-là Babila (ban mǝnana Daniyel kya duk mǝpà kwarkiru aban murǝm kam, sǝ Ezǝkiyel kum sǝna aɓa bangŋo kam ngga). ka à nda ka Babila, andǝ Erek, andǝ Akat andǝ Kalne. 11 Nimro pur a nzali Shinar sǝ o a nzali Assuriya kya ɓakia anggea-là Nineva, andǝ Rehobot-Ir, andǝ Kalne10:11 Ɓalli gbal aɓa: Mik 5:6. 12 andǝ Resen kàm. Resen ngga nggea-là na a nre Nineva andǝ nggea-là mǝgule Kalne.
13 Mizǝrayim10:13 Mizǝrayim nda lullǝ nzali Masar nǝ kún Ibǝru. ngga nda tár a Lud,10:13 Lud ka nda yi duk nzali Lidiya ka. Anam, Lehap, Naftu, 14 Patǝru, Kasǝlu, andǝ Kafto.10:14 Kafto ka nda luran Kǝreti. Arǝ abân mǝnia ka sǝ amǝ Filisti puro à yiu.
15 Muna-ɓwabura mǝkyauwe mala Ham yì Kan’ana ka nda yi duk tár Sidon andǝ amǝ’Hitti ka. 16 Kan’ana ɗǝm ngga nda kàka amǝ’Jebus, amǝ’Amor, amǝ’Girgash, 17 amǝ’Hivi, amǝ’Arkit, amǝ’Sǝni, 18 amǝ’Arǝvad, amǝ’Zema, andǝ amǝ’Hamat.
Nǝ nzǝ́mò ka aɓwapǝndǝa mǝnia à pùr a tàu mala Kan’ana ka, à yi mesǝke. 19 Acemani ka nzong-nzali mala amǝ’Kan’ana tangŋa tite a ban nggea-là Sidon sǝ sulǝo yi puro aban là Gera, pǝlǝa twalo a là Gaza sǝ sárǝ́ aban ká arǝ alá Sodom, Gomora, Adǝma andǝ Zeboyim, sǝ kya masǝlǝa a Lasha.
20 Amǝno yì aɓwana kat ka, à pur a tàu mala Ham. Koyan ateà ka à súrǝì nǝ tàu male, sǝ kún male, sǝ bu-nzali male, andǝ nzali male mǝnana pàk kàm ngga.
Tau mala Shem
21 Shem mǝnana nda mǝgula Jafet ka à ɓǝlî wi amuna-burana gbal. Shem ngga nda kàka Eba andǝ amuni andǝ amǝkè kat.
22 Amuna-burana mala Shem ngga à nda ka:
Elam, Asshur, Arfakza, Lud andǝ Aram.
23 Aɓwapǝndǝa mǝnana a tàu mala Aram ngga à nda ka:
Amǝ’Uz, amǝ’Hul, amǝ’Geta andǝ amǝ’Meshek.
24 Arfakza ka nda tár Shela, sǝ Shela ka nda tár Eba.
25 À ɓǝlî Eba amuna-burana ɓari.
Ɓè man mwashat ka à tunǝi ama Pele,10:25 Pele ka ɓālǝi nda <<mesǝe.>> acemǝnana a nza male sǝ aɓwapǝndǝa mesǝe arǝ abân aɓa ɓanza; mǝ’eambi nda Joktan.
26 Joktan ngga nda tár a
Almoda, Shelep, Hazamave, Jera, 27 Hadoram, Uzal, Dikǝla, 28 Obal, Abimayel, Sheba, 29 Ofir, Havila, andǝ amǝ’Jobap. Yia mǝnia kat ka, à nda ka amǝkà Joktan.
30 Nzali-do mala aɓwana mǝnia kat ka, tite a Mesha sǝ sarǝa kya puro a Sefar, nzali múr ankono a njar-takuli.
31 Amǝno ka, à nda ka amuna andǝ amǝkà Shem. Koyan ateà ka à súrǝì nǝ tàu male, sǝ kún male, sǝ bu-nzali male, andǝ nzali male mǝnana pàk kàm ngga.
32 Aɓwapǝndǝa mǝno kat ka à nda ka amuna andǝ amǝkau mala amuna-burana mala Nuhu, koyan ngga nǝ nggurkwar mala tàu male, aɓalǝ anzali malea. Twalo abania sǝ aɓwapǝndǝa mesǝe arǝ aban aɓa ɓanza kat, anzǝm mùr-gùla.10:32 Ɓalli gbal aɓa: Tite 9:19.
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)