Gênesis 16

Hajara andǝ Ishmayel

1 Sarayi, mālá Ibǝram ngga, ɓǝlî wi kǝ muna ɗang. Sǝama yì ka ndanǝ muna-ɓwama mǝ’bwali wi túró a ɓala, ɓwama Masar na, lùllǝì ama, Hajara. 2 Acemani ka, Sarayi ne Ibǝram ama, <<Sǝni, Mǝtalabangŋo gìrnam nǝ ɓǝlmuna. Ida kyane, kútí atà muna-ɓala mem, yakǝla mǝ nǝ kum amuna nǝ njarbaní.>>

Ibǝram pǝlǝa ear nǝ cau mana Sarayi ne wi ka. 3 Anzǝm mana Ibǝram dumǝna pǝlǝa lum a nzali Kan’ana ka, Sarayi twal Hajara, muna-ɓala male, ɓwa Masar, sǝ pè burí Ibǝram, ɓǝ̀ duk māmí.