3 Ibǝram kùndǝó nǝ ɓamǝsǝi a nzali. Pǝlǝa Ɓakuli ne wi ama, 4 <<Mǝnia ka nda kùrcau mem mana sǝm nǝ we ka: Awu nǝ duk tár akún pas. 5 À pà nǝ̀ tunǝo ɗǝm ama Ibǝram*17:5 Ibǝram ngga ɓālǝi nda <<Tárrú mǝnana à gusǝli ka.>> ɗàng, lùllǝò adyan ngga nda Ibǝrayim,*17:5 Ibǝrayim ngga ɓālǝi nda <<Tár aɓwabundǝa.>> acemǝnana ǝn tsǝ́ngŋǝ̀nó a nda tár akún pas. 6 Mǝ nǝ tsǝo awu nǝ sa kǝ̀rkǝ́r. Amunio andǝ amǝ’keò nǝ̀ duk akún pas, amurǝma nǝ̀ pur a tàu mò. 7 Mǝ nǝ tsǝk mǝnia yì kùrcau ka nǝ̀ do bà a nre sǝm, sǝm nǝ we, andǝ amunio, andǝ amǝ’keò, andǝ amǝnana à kǝ yiu a nzǝmia ka. Mǝ nǝ duk Ɓakuli mò andǝ malea.*17:7 Ɓalli gbal aɓa: Pur 6:7; Pǝris 11:45; 26:12,45; Nggur 29:13; Ib 11:16; Sǝn 21:7. 8 Nzali Kan’ana mǝnana kat ado a ndakam kǝla bǝri ka, mǝ nǝ pò wi, wunǝ amunio atò, ace mǝnana ɓǝ̀ duk girkuma mala ɓala mò bà. Mǝ nǝ duk Ɓakuli malea.>>*17:8 Ɓalli gbal aɓa: Gal 3:16.

9 Ɓakuli pǝlǝa ne Ibǝrayim ama, <<Mò ado ka, nda mǝnana ama wu kpata mǝnia yì kùrcau ka, we wunǝ amunio andǝ amǝ’keò, andǝ amǝnana à malaká ɓǝlia raka. 10 Mǝnia ka nda kùrcau mem sǝnǝ we andǝ amunio andǝ amǝ’keò, kùrcau mǝnana wun nǝ̀ kpate ka: Koya ɓwabura atà wun ngga à nǝ̀ kasǝî wi ɓate. 11 Nggú mǝnana a kun ɓatau wun ngga, à nǝ̀ kasǝì. Mǝnia ka nda nǝ̀ lǝmdǝ ama kùrcau nakam a nre sǝm, sǝnǝ awun ngga.>>*17:11 Ɓalli gbal aɓa: Pur 12:48; Atúró 7:8; Rom 4:11.