16 Lemtehal mey nēwē siso nehet mey kimi mavan heylō tō en, vaga kimi so malaklak, 17 wa vaga kimi so tatay, 18 wa vaga kimi so vēwē Ḡod, veg heylō Kraēs Tigsas en, Ḡod nemyōs so kimi so ak qele anen.
Helhel etgal net lēgēlgēg so kē nihēyhēywē si so tateh
19 Kimi nitog tigtigoy namgumgu namun Nuvu Yon̄. 20 Nitog etet hethet net a so nivasemlō nahal a so Ḡod mavap van hiy kē en. 21 Ba helhel etgal vel hohole del nonon. Tō tēy maymay mey a nēwē, 22 ba van yak den nahal del mey nehet.
Babah ne hohole non Pol
23 Tō kemem tatay so Ḡod a notog tēy natm̄at mahgen tak yon̄ qēt kimi. Wa Ḡod tētēygoy kimi latalami, lēdēmdēm nonmi, wa lēh nonmi tō so kimi newenwen gaydēn̄ Welan nongēn Tigsas Kraēs nivan lok me.
24 Im̄ey a mōlōl tō kimi en, kē tokokm̄egoy navatvat nonon hiy kimi vaga, tō kē tagaleg.