1 Ka hari te tangata kāhore nei,

e haere i te whakaaro o te tangata kino,

ā, kāhore e tū i te ara o te hunga hara,

kāhore anō e noho i te nohoanga o te hunga whakahī.

2 Engari ko te Ture a Ihowā tāna e whakaahuareka ai;

kei tōna ture ōna whakaaro i te ao, i te pō.

3 E rite hoki ia ki te rākau

i whakatōkia ki te taha o ngā awa wai,

e whai hua nei i te pō e hua ai;

e kore tōna rau e memenge;

ā, ka pono āna mea katoa e mea ai ia.

4 E kore e pērā ngā tāngata kino;

engari, ka rite ki te pāpapa e āia ana e te hau.

5 Āe rā, e kore e tū te hunga kino i te whakawākanga,

me te hunga hara i te whakaminenga o te hunga tika.

6 E mātau ana hoki a Ihowā ki te ara o te hunga tika;

ko te ara ia o te hunga kino e ngaro.