1 Kia hari te hāmama ki a Ihowā, e ngā whenua katoa.

2 Mahi atu ki a Ihowā i runga i te koa;

waiata haere ki tōna aroaro.

3 Kia mātau ki a Ihowā, ko ia te Atua.

Nāna tātou i hanga, ehara hoki i a tātou;

ko tāna iwi tātou, ko āna hipi e hēpara ai.

4 Tomokia ōna tatau i runga i te whakawhetai,

ōna marae i runga i te whakamoemiti.

Whakawhetai atu ki a ia, whakapaingia tōna ingoa.

5 He pai hoki a Ihowā;

pūmau tonu tāna mahi tohu;

ā, kei tēnā whakatupuranga, kei tēnā whakatupuranga, tōna pono.