Waiata 123

He Īnoi mō te Mahi Tohu

He waiata; he pikitanga.

1 Ka anga atu ōku kanohi ki a koe,

e koe e noho mai nei i ngā rangi.

2 Inā, pērā tonu ngā kanohi o ngā pononga

e titiro nei ki te ringa o tō rātou rangatira,

ngā kanohi hoki o te kōtiro

ki te ringa o tōna rangatira wahine;

me ō mātou kanohi e titiro nei ki a Ihowā, ki tō mātou Atua,

kia tohu rā anō ia i a mātou.

3 Tohungia mātou, e Ihowā, tohungia mātou;

kua tino kapi hoki mātou i te whakahāwea.

4 Kapi tonu tō mātou wairua i te whakahī

a te hunga e noho noa ana,

i te whakahāwea a te hunga whakakake.