Salmos 19

Te Korōria o te Atua i Whakaaturia i te Kāpuatanga

1 E kōrerotia ana e ngā rangi te korōria o te Atua;

ā, e whakaaturia ana e te kikorangi te mahi a ōna ringa.

2 E puaki ana te reo o tēnā rangi, o tēnā rangi,

e whakaatu mōhiotanga ana hoki tēnā pō, tēnā pō.

3 Kāhore he hamumu, kāhore he kupu,

kāhore e rangona tō rātou reo.

4 Kua puta tā rātou aho ki te whenua katoa,

ā rātou kupu, ā te pito rā anō o te ao.

Whakatūria ana e ia ki reira te tapenākara mō te rā;

5 ā, e puta ana ia me he tāne mārena hou

i tōna whare moenga, whakaī ana ia,

pērā ana me te tangata kaha e mea ana ki te oma whakataetae.

6 Ko tōna putanga kei tētahi pito o te rangi,

ā, whawhe noa ki tētahi pito;

kāhore hoki tētahi mea e ngaro i tōna mahana.

Te Ture a Ihowā

7 Tapatahi tonu te Ture a Ihowā,

he mea whakatahuri i te wairua;

pono tonu ngā whakaatu a Ihowā,

e whakawhaiwhakaaro ana i te kūare.

8 He tika ngā ako a Ihowā,

e whakahari ana i te ngākau,

he mā te whakahau a Ihowā,

e whakamārama ana i ngā kanohi.