Marcos 5

38 Pavahikili kunyumba ya Yailo, Yesu avayuwini vandu vivembeneka neju ndava ya malilu. 39 Akayingila mugati akavajovela, "Ndava kyani mwiywanga na kuvemba? Msikana uyu afwili lepi, pena agonili ndu."

40 Nambu vene vakamuheka. Akavahumisa kuvala vandu voha vevavi mugati mula, akavatola dadi na nyina wa msikana yula, pamonga na vawuliwa vaki vadatu, ndi vakayingila muchumba cheavili msikana yula. 41 Akamkamula chiwoko, akamjovela, "Talita, kumu," Mana yaki, "Wamsikana, nikujovela yimuka!"

42 Bahapo msikana yula akayimuka na kutumbula kugenda, vandu voha vakakangasa neju. Msikana mwenuyo avi na miyaka kumi na yivili.