Marcos 5

Yesu atingoi moomi omɔti odaaka ne membo mibe

1 Baimea ta ngunda ekina e ibeke, ta ekenge e mokili mo Bagadaliɛniɛ*5, 1 Malako apali boinedja iya bo ekenge e mokili edi ta dɔɔngɔ dikaimane modaakabusa a ibeke di Genedjalɛtɛ kaoko di Galileya. Bokuanedja Mat 8.28 ko ta nase.. 2 Yesu aduboa ta bwato, ko mbala emɔti asongana na moto omɔti adaaka na mwembo mo pita, adongaka ta makila;*5, 2 Makila mabɛmɛkɛ seko ta tei e mabanga manɛnɛ. 3 moto omina adaaka seko ta makila ko moto omɔti aidiaka ngulu e bomonanga nongo mbɔti; 4 modjɔ mo mbala djinɛnɛ adikamaka seko mako matingamaki ta mosɔngɔ ko bamonangaka mbɔti, endelo adaaka abukakaka mosɔngɔ ko botwakaka mbɔti. Ko moto o ngulu o bomopea aidaka. 5 Bulu na moi, adaaka ehole isusu oko ta makila ko ta ngomba, agamaka ko asakwɛlɛkɛkɛkɛ pola na mabanga. 6 Aenɛ iyo Yesu bohali, apota ebango ko akwa magbunda ta boso bo nde, 7 agama na ngulu bo: «Modjɔ mo mbi na wɛ nda, Yesu, Mwana o Ndjakomba Onɔi Diko? Naongɔni ta kombe e Ndjakomba, pɛpɛ bokɔɔni oko bobe!» 8 Modjɔ mo Yesu abalaka na nde bo: «Wɛ, mwembo mo pita, imana ta tei e moto iyoyo!» 9 Yesu amowadja bo: «Kombe e wɛ nda?» Iyo asɔmbedja bo: «Kombe e mbi "Ebole", modjɔ mo lodii iso banɛnɛ.» 10 ko amoɔngɔnɔkɔ na ngulu bo adae pɛpɛ bobengana membo mimina bohali na ekenge e mokili. 11 Enakoboa, bwela bo ngulu*5, 11 Bobwana na Lew 11.7 ko Dit 14. 8, ngulu apeamaka na Bayudha o eka e djɛti ko na e bomoyaka. Isolo idi djinedji bo edi ta ekomi edii sokolu e Bayudha. bodaaka ena mbuti na ngomba, bahombaka biyakea. 12 Membo mibe miɔngɔnɔ Yesu mibala bo: «Loloma ta dii ngulu ibiao bɛngi lokwe ta tei e bobo.» 13 Yesu abapa ndjea. Iboa membo mi pita mimana, mikwea ta bwela bo ngulu ko badɔnga ta diko di ngomba na ebango ko bakwa ta ibeke, ngulu ba mina bakimanaka koto djibae*5, 13 2000 ko badinda ta madiba. 14 Ibia babaneaka ngulu batiya ko bakɛɛ atɔndɔ modjɔ momina ta ngando enɛnɛ ko na ta miako. Bato badoa aindja midjɔ minɔɔmɔkɔ.