Resultados da busca por "fé"

3Ke yam, b’ali y’otsiil o nzuru bo taa-taa eli bia-byɛ, bia-byɛ, b’ebebuɛɛn Nziã m’Ɔ̃fel a ndɛ, b’ebɛɛl ntwel me Yeso Mãsia, bvool bɛn k’ebeta kaã m’ombuul wɛ.

2Ke ngwel wɛ, Endɔɔ li élieel Nziã me nkuul a ãnzwel esuo kwɛn lɔ eli taa-taa. Kɛn a baal bakyɛ áfel ngel a lɔ bvool áywɛn k’alweel lɔ. Obobɔ, bɔ ábɔɔ etumbu m’emfa ki ébvaan me bɔ.

23Eli me nkuul a okiool kwɛn amburu a Moyize álwɔɔn ndɛ nswii tyel, ke mbee a ŋ’áburu ndɛ. Ke ngwel wɛ, bɔ ámwɛn kwɛn muaan a bɔ áli y’ompal, bvool bɔ k’áyoo buɔ b’afel ngel yi éwi ɔ̃kwɛn wɛ11.23 Opa 2.2; 1.22.

19Ke ngwel wɛ, mɛ̃ ngyɛɛ wɛn, ãndɔɔ omɔ̃ mbueel ã̀siɛɛn k’obvuul o mɛ̃, m’ãbuɛɛn ã byɛ y’owuaal b’ewuaal Ɔ̃fel a Yeso Mãsia.

17Mbuul ngɔmɔ̃ onse baal obveel ndɛ bubu: «Ɔ̃tee, mɛ̃ ngya yɛ muaan a mɛ̃ wu bɔɔl, ke ngwel wɛ ndɛ oli y’ɔ̃fel wu ɔ̃bi-ɔ̃bi wu asuul ndɛ k’ayɛɛn wɛ.

25Alili oŋɔ̃, ɔ̃kaal ngɔmɔ̃ wɛn muaan wu ɔ̃kaal áli y’ɔ̃fel wu ɔ̃bi-ɔ̃bi oyoo nsia a ndɛ. Ndɛ oyetyal nzuru ke ntaã e ndɛ.

6Dzii emã? Eli ŋ’edzuu bia-byɛ m’emfa ki etam ãngel ã Nziã. Oyɔ ngel yɛn ebvaan byɛ edzuu onse yɔ, onge b’éyoo byɛ yɔ fa obɛɛn.

7Ke ngwel wɛ, baal a mfya bibi apal m’ɔ̃kiri. Bɔ abebee k’akiool ndiri taa-taa Yeso Mãsia áyi m’emfa ki ombuul. Okyɛ emfa ki eli nga-mfya y’ɔ̃taal a Mãsia.

11Mbuul wu abio ndɛ ŋ’ali ɔ̃nguo ngɔmɔ̃ ye ndɛ onse ɛ̃sal ɛ̃ ndɛ mi ɛ̃bi-ɛ̃bi.

5Ŋ’esa oŋɔ̃, Yeso ákedzii Maate, ye muaan-ngoo a ndɛ, ye Ladzaal.

21Maate olieel Yeso bubu: «Mfam, okɛɛn yɛ ali ŋã, nkyel a mɛ̃ k’akaakwa wɛ.

30Ke ngwel wɛ, ndɛ ale kɛn asam ola wɛ. Ndɛ áli kɛn ke mboo yi éyemwɛɛn Maate ye ndɛ.

9Nsam a bɔɔl ngamɔ̃ yɛn nkuũ Ehutike, ábvi nsɛn ke fenetel. Onge bɛn oyɛɛn o Pool óli b’ola, ndɛ áyiool me twal. Onse enzuũ e twal, ndɛ opiool fa ɔ̃kiri a nzɔ wu ɛ̃tyel, bu ayiool me nsie. Ŋ’ayii abii k’atɛɛl ndɛ, amwɛn ndɛ ɔ̃kwa-akwa.

1Ke yam, Ɔ̃fel ayɛɛn kal-a-kal ndiri: M’ãlio mã ntɔ baal bakyɛ akieel ayiri okiool me ndɔɔ yi akuru ãnzuru m’ɛ̃fel mi edzeel baal bvool m’ãtee m’ã̀fa ol’ɛ̃fel mi ɛ̃bi-ɛ̃bi.

1«Kel ãnzwel m’ebvɔɔn li bviil li Saades ɔ̃nkaan bubu:"Yoo m’eyɛɛn wu oli y’ɛ̃fel ɛ̃ Nziã nsiaan y’angam-a-ngam nsiaan: Mɛ̃ ngyɛɛ ɛ̃sal ɛ̃ yɛ. Mɛ̃ ngyɛɛ bam ngesɛ wɛn nkuũ a yɛ ebeyi nsia ndiri yɛ li mwiĩ, kwɛn ŋɛn yɛ amaakwa.

1Ãnzwel m’ãtaan ãfel mvel-a-mvel. Mɛ̃ mwɛn ngam-a-ngam wu áfi ywel ábvi me nsie. Awi ngam-a-ngam ondɛ ɔ̃wɔɔl a ywɛn li ela li ke nsɛn a nsie.

2Ke ngwel wɛ, ŋ’eyii mbuul bvoo ye Yeso Mãsia, ngel yi ndɛ eyii ngel yi Ɔ̃fel wu awa elaã. Ngel oyɔ epaal yɛ onse ngel a obi ye y’epfu.

4Bee eli ye kaã me Mfam me ndɔɔ a byɛ wɛn, byɛ ebesa bvool ekieel esa m’etam bee byɛ osa.

8Bee k’edzi mampa a mbuul ngwel wɛ. Kɛn a tsia mwiĩ bee esi ɔ̃sal wa fool bvool wu efi ɔ̃furu, kwɛn bee ebee okal mpɛn me mbuul si ngɔmɔ̃ onse byɛ.

16Yɔɔl kwɛn Mfam nga-opi ndyam awa byɛ opi lio lueel bvool m’emfa kieel! Yɔɔl Mfam akal ye byɛ bueel!

23Ãwua ola byɛ, byɛ b’ayiool b’ãngel y’Afalisaye, baal a pfuru! Byɛ ebewa Nziã boo ngemɔ̃ onse ãboo kuun li ekwɛn bvi ãnguun bvi: mɛnte, fenuye ye Kumin. Kɛn onse Ngel a Moyize, byɛ ebedzɛɛn ãndɔɔ mã nkiin mã: okal dzu, nyiĩ, y’okiool. Omɔ̃ ãndɔɔ mɛn ebvaan byɛ ekeesa, m’ãsiil odzɛɛn wɛ.

12Ke ngwel wɛ, mvel a bia-byɛ ke yi adzwaan ye baal wɛ, yi adzwaan y’ɛ̃fel mi y’okwɛn, y’ɛ̃fel mi ye mpɛn, ye mi y’omfam b’ɔ̃kiri wu empeel wu, y’ɛ̃fel mi ɛ̃bi-ɛ̃bi mi ɛ̃li mpɛ̃-a-mpɛ̃ ywel ye nsie.

15Ndɛ akieel akal mbuul wu ɔ̃nɛn ke mviil ã Mfam Nziã. Ndɛ kieel k’anywã mbal ã bvine wuo mbal ã mpuru ãkyam wɛ. Ndɛ akieel aluul m’Ɔ̃fel wu Ɔ̃nsensal fa mwiĩ a ngoo a ndɛ.

11Bee ekwɛn ãndɔɔ mã ngesɛ m’Ɔ̃fel onse byɛ. Okɛɛn bee ebɔɔ ebvakab ki opfel bɛn ke b’ɔ̃fel wɛ ola byɛ, oyɔ ndɔɔ yi ɛ̃kam?

16Ɛ̃nkaan mi ngel mvieel ɛ̃́yi me nkuul a Ɔ̃fel a Nziã, bvool ɛ̃li y’otsɛn me ndɔɔ yi ayiool baal, me ndɔɔ yi aswɛɛl baal ãtsam, me ndɔɔ yi aseel baal nkuul, bvool me ndɔɔ yi atee baal ãndɔɔ mã dzu.

2Nziã wu Taal ásueel byɛ ŋ’ɛ̃kwel onge b’éwɛɛ ndɛ, bvool ásuul byɛ me pyɛ me nkuul a Ɔ̃fel wu Ɔ̃nsensal, me ndɔɔ yɛn byɛ elweel Yeso Mãsia bvool kwɛn ãkel ã ndɛ ãsuul byɛ ekal ba ngel. Yɔɔl kwɛn Nziã asio byɛ nyiĩ, bvool awa byɛ opi bam ngamfɛn!