21 Byɛ hɛ̃ tsɔɔn éli lala ye Nziã bvool éli ataal a ndɛ, me ndɔɔ ãtsam ã byɛ m’ãbi ãbi y’ɛ̃sal ɛ̃ byɛ mi ɛ̃bi-ɛ̃bi. 22 Meba ŋã, ndɛ obveel ondoo ye byɛ m’epfu e Muaan a ndɛ onse nzuru y’ombuul, me ndɔɔ yɛn byɛ eyetɛɛn ke nkwel a ndɛ onge baal ba ngel, b’aywɛn elyal bvool bɛn mbyel pyɛ. 23 Kɛn ebvaan kwɛn byɛ esɛn ãnã bvool etɛɛn ye mpɛn onse okiool. Ebee nkuul owa yi abiri byɛ lala ye kaã li ébɔɔ byɛ ŋ’éyoo byɛ Nsia yi Ngesɛ. Nsia oyɔ, átee yɔ ola baal bueel b’ɔ̃kiri a nsie, Nsia yɛn mɛ̃ wu Pool éyii ɔ̃sal a yɔ.