Mateus 13

Otsɛn o mboo a bviĩ bvi ebi-ebi

36 Obobɔ, Yeso osiil embuul, bu asam onse nzɔ. Ayio a ndɛ asyel tsotsoo a ndɛ, bu alieel ndɛ ndiri: «Mewa bee otsɛn o mboo a bviĩ bvi ebi-ebi onse nguun.» 37 Yeso obveel bɔ bubu: «Wu okwɛn bviĩ bvi ngesɛ, eli Muaan a mbuul. 38 Nguun, eli ɔ̃kiri. Bviĩ bvi ngesɛ, eli baan b’Okwɛn. Bviĩ bvi ebi-ebi, eli baan b’Ɔ̃taal. 39 Ɔ̃taal wu okwɛn bviĩ bvi ebi-ebi, eli Ɔ̃pfu. Lio li aka nsia, eli ntɔ a ɔ̃kiri. Baal b’aka nsia, eli ãnzwel. 40 Emfa ngemɔ̃ ki ayeb bviĩ bvi ebi-ebi, bvool atyal bvɛ onse mbaa, akieel asa emfa kiki ke ntɔ a ɔ̃kiri. 41 Muaan a mbuul akieel ayuɔɔl ãnzwel ã ndɛ. Mɔ̃ ãkieel ãmbaal onse Okwɛn o ndɛ baal bueel b’abebal baal onse obi ye baal b’abesa obi. 42 Ndɛ akieel atyal bɔ onse ywɛn e mbaa. Oyɔ mboo yi elel y’odza o miin. 43 Obobɔ, baal ba dzu akieel angal onge tal onse Okwɛn o Tal a bɔ. Yɔɔl kwɛn wu oli y’ãtswi m’ayoo, ayoo!»