1 Paul nah Silvanus,* nah Timothy ne Peibe Tinggwang nah Rampaube Jisu Khrista gade Thessalonia namdi ga ngqwabe dage laisiu raukegai.* Ngaugia nah lungciep peu nnuida bam kelube tei lulo.*

2 Nnui pelane ziemne anui Tinggwang de twabam muila, nah anui kekie ga nnui ziemne kiebam muila, 3 anui Tinggwang nah Peibe dwade nnui kenlum bata, keku bata, nah anui Rampaube Jisu Khrista gade nnui keregui ntip kebam de nsung eh. 4 Kedanemene Tinggwang kuku kepung sinamedung, pa ne nnuide kedetkelu anui cibam,✝ 5 kedanemene anui samliakeyi de sam rünne gade nnuida teugwang ma, dede kengkieng nah Kemci Rabe gade si nah sam cide kesangsiak lie eh. Anui nnui kakga kelunghdau dainzwa nnui ziuyi ziemne lungh bi kecu cide nnuide cibam. 6 Nah nnui anuide nah Rampaube de kerelime tei luda, kedanemene nnui kehereisüt eh samlia cide Kemci Rabe gade nnui suiyisüt eh luu kelune. 7 Cide ziemne, nnui Macedonia nah Achaia deuceu ga kenlumme leune ziemne saulia ge teilu da. 8 Kesang nnui dade Rampaube sam Macedonia nah Achaia ga rangpet kecu rünne ma, dede nnui Tinggwang de kenlum de heni pelane ga rangla dida. Cine, anui penuide magede rangsi mede yida. 9 Kedanemene penui dainzwa nnui anuide ngngwalu dibi kecu ha, nah nnui dainzwa mamiedung kereca gade Tinggwang da nreu gwanglwe ringkela nah kesang Tinggwang gwa teilu dibi kecu penuikatei rangla kedine, 10 nah pe Na Tinggim gade caili kegwang kwa kera, pa ne ketsai gade kwak nring kelube, Jisu, Tinggwang lunghop gwang kera gade anuide kelikelube.