1 Cine pielo, pe tingba gwangla dida,* miheu nzwa heubam dizie, ngang kelame nah kesiata tei kelame leune makwarie dizie. Peting gwang kela de penuide ru dizie," de eh reugwame reu RAMPAUBE rang, "ciciu de penui da pemaah mede pekiak bam silak.✝ 2 Dede nnui a zi de hingla kelame, kesamsang tingnaimiak cuh eh pe hesiudung gade teingkei beuzie. Nnui tetpet zie, nah nnui hetumna peki gade hiak mpet kegai nzwa nding tetzie. 3 Cipau benai nnui kesia tei kelame de nnui dau nkau zie, kedanemene Ih teipet kecu benai penui au nnui pi kangga rebuidung nzwa dizie," de eh reugwame reu RAMPAUBE rang.

4 "A kilabe Moses ne ledeu kebeu de nsung bamlu Israelme pelane ziemne, Ih pecu Horeb gade hezaidung nah ajadung kai kebeu de. 5 Pielo, Tingba kedi nah hingla kela RAMPAUBE gwang kemak dwa Ih nnui dage caihakecibe Elijah de langgai beuzie.* 6 Pa mipeimedung mlung de pe namedung da keu cailigwang beuzie, nah pe namedung mlung de pe peimedung da, ciciu lude Ih gwang eh nnui deu de teimsia ciak di melu kerane."