1 करिन्थ 12:1-7

आत्माआं दाने

1 माआं पाव्हीइला, आत्माआं दानोअ बाप्तिम तुमू ओजाण्ये रोअहूं जोवे, ए माआं इश्शा कायनाहां. 2 तुमू जेहेलाम पारके ओते, ताहां मुकी मुर्तीइ फासाड़ी जेहें कोइत सालाड़े तेहेंज सालतेते, ओं तुमुहूं मुंदू होय.✝12:2 गलाती 4:8 3 तिहीं वाअहीं आंय तुमुहूं कोहो के, देवोअ आत्मा वाअहीं गोगनारो कोडो बी माहुंउं एहें नाहां कोतो के, "ईसु हारापवालू होय!" आन पवित्र आत्मा सिवाय कोडो बी एहें नाहां कोत सेकतो के "ईसु प्रभु होय."

4 आत्माआं दाने तोम जाती जातीइ होय, पोन आत्मा एकुज होय. 5 तेहलोज सेवा कोइलोअ आलांग आलांग मार्ग होय, पोन प्रभु एकुज होय. 6 सेक्तीइ कामे बाती बातीइ होय, पोन आखे कामें कोअनारु देव एकुज होय. 7 आन आत्माआं उजालो आखाआ हाजाआ कोअते एकेकाहा आप्योहो.