मेर
1 जर आंय माअहोंओं आन देवदुतोअ बाशाम गोगो आन मेर ने कोओ, ताहां आंय वाजनारी ठाली आन खिकलीइनारी झांजेए होस होय. 2 जर आंय भविश्यवाणी कोइत सेको, आन आखी विद्या आन ओकल माहूं ओय, आन डोगोहो उठ्लावीत टाके एतुहू विश्वास बी ओय, पोन जर आंय मेर ने कोओ, ताहां कीज कायनाहां.13:2 मत्तय 17:20; 21:21; मार्क 11:23 3 जर आखी मालमिलकत गोरब्योहों खायतेहें आपी देंव, नेत सोताआ डिलोहो आगीम पेटाड़ेतेहें आपी देंव, पोन मेर ने कोओ ताहां माआं कीज फायदू कायनाहां.
4 मेर धिर खेटनारो होय, दयालू होय, मेर खोद्राय नाहां कोअतो, आन वोडाय नाहां कोअतो, आन नाहां फुगतो. 5 मेर गांडाय नाहां कोअतो, सोताआ भलो नाहां देखतो, नाहां खिजवाअतो, नाहां खोताअतो. 6 मेर खाराब गोठीम खुसी नाहां कोअतो, पोन सत्या वाअहीं तियाहा खुसी ओवेहे. 7 तों आखी गोठी सहन कोअहे, आखी गोठीपोअ विश्वास कोअहे, आखी गोठीइ आशा कोअहे, आखी गोठीम धिर खेटेहे.