1करिन्थ 7

वेहेवालोअ बाप्तिम प्रश्न

1 तियीं गोठीइ बाप्तिमेहें जे तुमू लेख्यी, ओं हाजो होय के माटी बोईंहीं आथ ने लागाड़ुहूं जोवे. 2 पोन सिनालाआ बिकेवाअहीं आखा माट्योअ लाडी जोवे, आन आखी बोईंइं जिवज्योअ माटी रोअहूं जोवे. 3 माटी तियाआ लाडीइ हक्क पुरो कोअहूं जोवे; तेहेंज कोइत लाडी बी सोताआ माट्योअ हक्क पुरो कोअहूं जोवे. 4 लाडीही तियीइ डिलोपोअ आधिकार नाहां, पोन तियाआ माट्योहो आधिकार होय; तेहेंज कोइत माट्‍योहो बी तियाआ डिलोपोअ आधिकार नाहां, पोन लाडीही आधिकार होय. 5 तुमू एकमेका रोत आलाग मा रोहा; पोन निस्ती थोड़ीक वेल जाआं तुमा तुमाआं समजदारी वाअहीं प्रार्थनाअ काजे वेल जोड़ुहूं जोवे कोत अलग रोवा, आन तिहीं रोत फाशेए आरीज रोवा; तुमाआं समजदारी ने मिकीइलोअ वोजेसे सैतान तुमुहूं पारजाणाम टाकुहूं जोवे.