7 माआं इश्शा ए होय के जेहलुहू आंय होय, तेहेंज कोइत आखे माहें रोअहूं जोवे; पोन हारेकोहो देवोप रोत अलग अलग वरदान जोड़्योहो; कोडाहा काअली जातीइ, आन कोडाहा कोड्ली जातीइ.
8 पोन जियींइं वेहवाल नाहां ओवो, तियीं जुवान्यीइं आन रोंडोअ बायहींइं बाप्तिमेहें आंय कोहो के, तुमू माआं होस रोहा ताहां तुमाआं हाजो होय. 9 पोन जियाहा सोताआ मोन ताबाम ने मिकाअतोय, ताहां वेहवाल कोइत लेअहूं जोवे; काहाके वेहवाल कोइलोअ ओं आब्जाड़ा कोअते फिरतेहे तिया रोत हाजो होय.
26 माहूं एहेलोहो लागेहे के, आज काल तारासोअ दिहोअ वाखरी, माहुंउं जेहलोहो होय तेहलोज रोअहूं जोवे. 28 पोन जर तुमे वेहवाल कोअयो, तों बी गुनू कायनाहां; जर कुवांरी वेहवाल कोअयो, ताहां तो गुनू कायनाहां; पोन एहेलाहां दुन्यामेहें दुख भोगीइलो आवेहे, आन आंय तियांहां इंहींम रोत वासाड़ुहूं होदोहो.
29 पोन आंय कि कोहो, वेल थोड़ी होय, तियाहा काजे जियांआं लाडी होय ते बिगर लाडीवालाआ होसर्याआ जिवुहूं जोवे;
32 पोन तुमू सिंताम ने रोअहूं जोवे एहेलिही माआं इश्शा होय. जियाआ वेहेवाल नाहां ओवो, तों प्रभुहू खुस कोइलोअ धुंदीम रोहे. 33 पोन जियाअ वेहवाल ओत गोयोहो, तों माहुंउं दुन्यादारीइ सिंताम रोहे के सोताआ लाडीही केहें कोइत खुस मिकीत सेके. 34 वेहेवालोवाली आन कुवांरीम बी फरक होय: कुवांरी देवोअ गोठीइ सिंताम रोहे के डिल आन आत्मामेहें सोको रोत सेके; पोन जे वेहेवालोवाली होय ते दुन्यादारीइ गोठीमेहें सिंता कोअतीही के सोताआ माट्योहो केहें कोइत खुस मिकीत सेकाय.
35 ए गोठ आंय तुमाआंज हाजाआ काजे कोहो, तुमुहूं बंधनम पाड़ीइलोअ काजे नाहां, पोन एताआ काजे के तुमू एक मोन ओत कोइत देवोअ सेवामेहें लागीत रोअहूं जोवे.
38 तियाहा काजे जो पोर्यीइ वेहवाल कोअहे तो हाजू कोअहे; पोन जो वेहवाल नाहां कोइत आपतू तो जाअखो हाजो कोअहे.7:38 7:26
39 वेहवाल ओवली बायीइ माटी जाअहूं जाआं जिवतु होय, ताअहूं जाआं ते नियमोमेहें बांदाअली होय, पोन तियीइ माट्योअ मोयात ओत जाय, ताहां फक्त प्रभुमेहें विश्वासी ओय आन जिया विश्वासीइरी तियीइ इश्शा ओय तियाअरी ते वेहवाल कोइत सेकेहे. 40 पोन जर ते बिगर वेहेवालोअ रोयी, ताहां माआं विसारोमेहें ते जाअखी आशिर्वादीत ओवे, आन माहूं लागेहे के मामेहें बी देवोअ आत्मा होय.