1 Pedro 5

2 देवोअ तिया टोलाआ जो तुमाआं विसमेहें होय, तियाआ राखवाली कोआ; आन ओं दाबावो वाअहीं नाहां, पोन देवोअ मोर्जीइ पुरमाणे खुसी वाअहीं, आन विणलाज्यी कामायीइ काजे नाहां, पोन रोडे वाईं कोआ. 3 जे माअहें तुमाआं आथोम होप्येहे, तियांपोअ आधिकार मा सालाड़हा, पोन टोलाआ काजेहे नमुनो बोणा. 4 जेहेलाम वोडू राखवाली प्रगट ओवे, तेहेलाम तुमुहूं महिमाआ टोपू आपे, जो केदिहीं नाहां कोमाअतू.

5 तेहेंज कोइत ए जुवानो! तुमू बी डायहांअ ताबाम रोवा, आन तुमू आखे बोठेज एकमेकाआ सेवा कोइलाआ कोअते तियारीम रोवा, काहाके वसन कोहे, "देव वोडाऱ्या माहुंउं विरोध कोअहे, पोन हानाला माहूंपोअ मेरवानी कोअहे."