8 ✝ 3:8 भजन 90:4 पोन माआं मेराला, एक गोठ मा विहीराअहा के, देवोअ नजरेमेहें एक दिही हाजार दिहोअ होस होय आन हाजार वोरह्ये एका दिहोअ होस होय.

9 प्रभु तियाआ वायदाअ बाप्तिम वाआ नाहां लागाड़तू, जेहेंकोइत थोड़ेक माअहें समजीइतेहे; पोन तुमाआं बाप्तिमेहें धिर तोअहे, आन कोडो आरवात जाय एहलिही तियाआ इश्शा नाहां, ते आखेज मोन फेरवुंहूं जोवे एहलिही तियाआ इश्शा होय.

10 ✝ 3:10 मत्तय 24:43; लुक 12:39; प्रगटी 16:15 पोन प्रभुउ दिही बांडोअ होस आवे, तिया दिहोपोअ जुग जुदो तुदड़ीइतोज जातो रोय, तत्वे तोपीत ओगलीत जाय, धरती आन धरतीपोर्‍येए कामे बोलीत जाय*3:10 बोलीत जाय आरवाइत जाय. 11 एहेंकोइत ओं आखो आरवात जानारो होय, ताहां तुमू केहेलेहे रोअहूं जोवे? तुमाआं रोअलोअ पवित्र जोवे आन भक्तीमेहें देवोहो होपाअले माअहें रोअहूं जोवे. 12 तिया देवोअ दिहोअ केहें कोइत वाट जोवुहूं जोवे, आन आपू केतीही कोशित कोअहूं जोवे; जिहींवाईं जुग बोलीत आरवात जाय आन जुगोमेर्‍योअ आखो जास्ती तोपीत ओगलीत जाय. 13 ✝3:13 यश 65:17; 66:22; प्रगटी 21:1तेबी तियाआ आथवसनोअ परमाणे आपू एक नोवो जुग आन नोवी धरतीइ वाट जोवतेहे जिहीं देवोअ सतीपण रोय.