दानियेल 3

28 नबुकदनेस्सर राजा कोनु वोल्यू, "हाजू होय शद्रक, मेशक, आन अबेदनगोअ देव, जिये देवदूत मोकलीत कोइत तियाआ यां सेवकोहों वासाड़्या! काहाके तियां जुवानो राजाआ आदेश टालीत कोइत देवोपोअ भरीवसू मिक्यू, आन ओ विसार कोइत सोताआ डिल बी अर्पण कोअयो, के आमू आमाआं देवोहो सोड़ीत, बिहीरा देवताआ भक्ती नाहां कोअनारा, के वोंदनारा बी नाहां.

29 "तियाहा काजे ओमे आंय ओ आदेश काडोहो के देसोदेसोअ आखा माअहूं, आन जुदी जुदी बाशा गोगनारामेहें रोत जों कोडो शद्रक, मेशक, आन अबेदनगोअ देवोअ जाराक बी निंदा कोए, तियाआ पुकरान पुकरा कोआय, आन तियाआ कोअ उजाड़ी देवाय; काहाके एहेलुहू बिहीरु कोड्लुज देवता नाहां जो एहें कोइत वासाड़ीत सेके."