Efésios 4

25 तियाहा कोत ठोगहा मा! हारेक जोओं एकमेकाअरी खोरो गोगुहूं जोवे, काहाके आपू आखे ख्रिस्ताआ शरीरोमेहें एकमेकाअरी जुड़ाअला भाग होय.✝4:25 कलस्से 3:9; रोम 12:5; जख 8:16 26 खोत कोआ, पोन पाप मा कोअहा; दिही बुड्ताआ आगोदर तुमाआं खोत उलात जाअहूं जोवे. 27 सैतानोहो जागू मा आपहा. 28 सोरी कोअनारु फाशोअ सोरी ने कोअहूं जोवे, पोन उलटो हाजे कामे कोइलाआ काजे सोताआ आथोवाअहीं मेहेंनत कोअहूं जोवे; तों याआकाजे के जें गरीब होय तियांहां मदत कोइलोअ काजे तियांपोअ वाजिहीं सिल्लक रोअहूं जोवे. 29 तुमाआं सोबीम रोत तुमू उसक्ड़्ये शब्दे मा वापराहा, पोन गरज पोड़्यी ताहां हाजु सुधार ओवुहूं जोवे एहलेहे शब्देज वापरा, ताहां बिहीराहा बी उनात कोइत हाजो लागे. 30 देवोअ पवित्र आत्माहां दुखी मा कोअहा, काहाके तो तुमाआं सुटकाआ दिहोअ काजे तुमापोअ देवोअ हक्काआ सिक्कु लागाड़्युहू. 31 आखी जातीइ कड़वा विसार, खिजवाइलोअ, खोत कोइलोअ, जोराखा उठीइलो आन रोवा कोइलोअ, ओं आखी जातीइ खाराब तुमामेहें रोत काडीत टाका. 32 आन तुमू एकमेकापोअ मेर कोअनारे, आन माया कोअनारे ओवा; जेहेंकोइत देवे ख्रिस्तामेहें तुमाआं गुनां माफ कोअया, तेहेंज कोइत तुमू बी एकमेकाहा माफ कोआ.