योहान 19

23 जाहां सेयनिक ईसुहू क्रुसोपोअ टांगीत सुका, ताहां तियाआ आंगड़ो लेदो आन तियाआ शार भाग कोअया, हारेक सेयनिकोअ काजे एक भाग, आन कुरतु बी लेदू; पोन तो कुरतु विण सिल्लायीइ उसे रोत निसे जाआं गुथल्यु ओतू. 24 तियाहा काजे तियां सिपायड़ां कोयो, "आपू याहा नाहां फाड़ता, पोन ओं कोडाआ ओवे तों यापोअ सिट्टी टाकीत पालत्ला." ओं याअकाजे ओवो के वसनोमेहें जों लेख्योहो तों पुरो ओवुहूं जोवे,

"तियां माआं आंगड़े जिवजिवोअ वाटित लेदे,

आन माआं आंगड़ापोअ सिट्टी टाक्यी." तियाहा काजे सिपायडां तेहेंज कोअयो.

25 ईसुउ क्रुस खांबोअ आहने तियाआ आयही, आन तियाआ आजलीह्ही, क्लोपासोअ लाडी मरिया, आन मरिया मग्दालिनी उबी ओती. 26 जाहां ईसु तियाआ आयही, आन तियाआ मेराला सेलाहा जिया पोअ तो मेर कोअतुतो आहने उबू रोल्यू देख्यू, ताहां तियाआ आयहीही कोयो, "ए बाय, पाल, ओ ताआ बेटुह्हू होय."

27 ताहां तिये सेलाहा कोयो, "ए ताआ आयही होय." आन तियीज वेले रोत तो सेलू तियीही तियाआ कोअ लेत गोयू.