योहान 20

29 ईसु तियाहा कोयो, "तुमे माहूं पाल्युहू, केहें याअ काजे विश्वास कोअयुहू? धन्य ते होय जियां विण देख्येज विश्वास कोअयू."

या पुस्तकोअ उद्देश

30 ईसु फाश्येए बी जाअखीलेहे समत्कारोअ कामे सेलाआं सामने देखाड़्ये, जें या पुस्तकोमेहें नाहां लेखाअये; 31 पोन एं याअकाजे लेखाअयेहे के तुमू विश्वास कोअहूं जोवे के ईसुज देवोअ बेटुह्हू ख्रिस्त होये, आन विश्वासो वाअहीं तियाआ नावसे तुमुहूं जिवन जोड़ुहूं जोवे.