टाकाअला मेडाआ काईं
1 आखा नाकेदार आन पापी ईसुउ गोठी उनाइलोअ काजे आया, 2 तेहेलाम फरिसी आन कायदाअ मास्तर टुटणीइताज कोना वोल्या, के "ओ माटी पाप्योहों आहने कोअहे आन तियांअरी खाहेन पीहे!" 3 ताहां ईसु तियांहां ए काईं कोत आप्यी:
4 "समजीत ल्या तुमामेहें एखापोअ होव मेडे ओय, तिहींमेहें रोत एक टाकात जाय, ताहां तो नवह्यान्नव मेडाहां रानम सोड़ीत देत तिया टाकाअला मेडाहा जोड़े ताअहूं जाआं ने होदीत जाय के? 5 आन जेहेलाम तों जोड़ीत जाहे तेहेलाम तो खुब खुसी वाअहीं खांदोपोअ आखलीत लेहे. 6 आन कोअ आवित तियाआ दोस्तीहीं आन जागेवालाहां कोहे, ‘माअरी खुसी कोआ, काहाके माआं टाकाअलो मेडो फाशोअ जोड़ीत गोयोहो.’ 7 आंय तुमुहूं कोहो के एहेंज कोइत एका मोन फिरावनारा पाप्योअ बाप्तिमेहें बी होरगाआ राजोम खुसी ओवे, एतीही खुसी तोम बाकी रोल्या नवह्यान्नव धर्मी माअहोंअ बाप्तिम नाहां ओवती जियांहां मोन फिरावीलोअ गरज कायनाहां."