12 तियां दिहोमेहें ईसु डोगोपोअ प्रार्थना कोउ गोयू, आखी रात पोइत देवोहो प्रार्थना कोअयी. 13 जेहेलाम दिही उगु तेहेलाम तियाआ सेलाहां हादीत तियां मेर्याआ बारा जोओंहों निवड़ीत लेदा, आन तियांहां प्रेशित6:13 प्रेशित ईसुउ मोकलीइल्या खास खबर्या ओं नाव आप्यो: 14 आन ते ए होय: शिमोन जियाआ नाव पेत्र बी मिक्यो, आन तियाआ पाही आंद्रिया, याकोब, आन योहान, फिलीप, बार्थलमय, 15 मत्तय, थोमा, आल्फेयोअ बेटुह्हू याकोब आन शिमोन जियाहा जेलोतेस बी कोतेहे, 16 याकोबोअ बेटुह्हू यहुदा आन यहुदा इस्कार्योत जो तियाहा तोअनारु बोण्यु.
ईसुउ हिकवोण आपिइलो आन हुदारीइलो
(मत्तय 4:23-25)