Lucas 9

12 Zua dekuswaho, wada wahina kumi dimwe na mbii wakamwiitia na kumwamba, "Wabade wantu waite mwe mizi na mwe minda ya hehi wakaondeze khande na hantu hakugona, kwaviya aha teiho ni mwe nyika."

13 Yesu akawamba, "Wekheni nywinywi khande."

Wakamtambaisa, "Khatina chochose iya mabumunda mashano na samaki waidi. Wakunda swie tikawagwiiye khande wantu wose hawa?" 14 Wekuwaho hada nee ni wagosidu elufu shano.

Naho, Yesu akawamba wahina wakwe, "Wagombekeni wantu wekae kwe mazumwezumwe ya wantu makumi mashano."

15 Wahina wakagosoa inga wekugombekwavyo, wambeni wantu wose wekae. 16 Naho Yesu akayadoa yada mabumunda mashano na wada samaki waidi, akakauwa uwanga kwa Muungu na kumtogoa Muungu, akavijaiya, akabendua, akawekha wahina wakwe wawekhe wantu. 17 Wantu wose wakada na kweguta. Wahina wakadodoa phuguntio za khande, wakamemeeza ngahu kumi dimwe na mbii.