2 Pedro 2

Wahinizi wo Udant’hi

1 Mna iviyaiviya walailaga walotezi wo udant’hi mwa want’hu awo, enga ivo wakuunga walaile wahinizi wo udant’hi mwa nyuwe. Nawahinize mahinizo ya upapala ya kuwazaganya want’hu uku wakamlemela Zumbe awaguile, naivo wakakezunguila wenye ubanangi wa luholuho. 2 Naho want’hu wengi nawatimile sila zawe zo uhabwasi, naho wahinizi awa wo lulimi nawaleke isila ye kindedi ikahomolwa. 3 Mwo ugubaguba wakwe, nawahokele va kusump’hula kulawa kwenyu kwa simo zawe zo udant’hi. Mna Mnungu nakalamula kukongela aho kale kugamba naawasengele, naho emeso ikindedi naawabanange!