2 Pedro 3

3 Nk’hongo ya yose mkumbukile kugamba, mwa mazuwa aya yo kubindiliza naweze want’hu wakutimila kumunk’wamunk’wa kwawe kwiihile naho nawawabeleni, 4 naho nawauze, "Ekuhi elo haluse yudya mlagane naye kugamba neeze? Awakale wetu wakefiilaga kale, mna kila kint’hu kisigala enga ivo chandaga kukongela aho isi yaumbwagwa!" 5 Want’hu awo wajala kwa kasidi kugamba, aho kale Mnungu alongaga mbuli niyo mbingu ne isi vaumbigwa kulawa mwa mazi na kwa mazi, 6 isi idya ya kale neibanangwa aho Mnungu eze alagize ugubiko mkulu wa mazi mwe isi. 7 Mna mbingu ne isi va ivi haluse, viikigwa kwa mbuli iidya kwa kwiza kokigwa pele no moto. Vamilwa mpaka mwe dizuwa dyo usengelo, aho want’hu hewekumwogoha Mnungu wakeza kubanangwa pele.