Lucas 14

Yesu ahonya mnyonge

1 Zuwa dimwenga dya kuhumula Yesu nakaita kudya mkande kwe kaya ya mnt’hu yumwenga kilongozi ywa Mafalisayo, aho handaga na want’hu wandaga wakampelemba Yesu. 2 Naho, handaga na mnt’hu yumwenga andile na unyonge wa belebele amwizilaga Yesu. 3 Yesu niyo awauza wahinizi we Miko hamwenga na Mafalisayo kugamba ni vedi, "Miko yetu yakilekela kiwahonye want’hu mwe dizuwa dyo kuhumula?"

4 Mna niyo wanyamala. Yesu amtozaga yudya mnyonge niyo amhonya niyo amlekela akeitile.