Bhaefeso 3

Upalio gwa Akilisito

14 Ligongo helyo, ndendakwaajopa Atati Annoongo kwa kwaatindibhalila majugwa, 15 jonojwe nga ndaando ja hilebhe yoa ya kunani kwa Annoongo na pachilambo. 16 Ndendakwaajopa Annoongo akombole kunnekelanga machili mumitima jinunji kupetela Mboomo jwabhe, kubhokana na ukola hilebhe na ukolo gwabhe, 17 na ndendakwaajopa Akilisito atame mumitima jinunji kwa ndela ja kunhobhalela. Ndendakunnyopelanga kwa Annoongo goagola gantendanga gabhokele mu upalio gwa kweli, 18 ili mwangota pamo na bhandu bha Annoongo, muhimanyange henela Akilisito chibhatupala muno kwa upalio gwangapela. 19 Kweli, nkombolange kugumanya upaliho gwa Akilisito kupeta chibhamanya bhandu bhoa, ili bhoa nkombolange kutendangwa bhakukamilikanga muno kwa Annoongo.