मर्कुसं 5

38 ओयाङ आराधना झिमला शासकलं झिमल तापवाङ ओटन भ्याई रुयाङ राव्‌रज्यान्या सनर राचिचच्याइज्यान्या रांरङवाङ। 39 तब भितरलं हिनस्यु येशुले नकाङजन ऐआढोवाङ, "जे दानाङ हल्ला मच्चाईज्याच्यो ओटन दानाङ व्‌रच्यो? लुल सिस्यु माल्दी, तर नका रुउस्यु लेऊ।" 40 नकाङ येशुल छेन थएस्यु साहौ तअसिवाङ। तब ओले नकाङ सोगलैजन पाखाल आपलिइवाङ ओटन लुलल बौ सनर आअमा ओटन ओलसं लिज्यान्या आ सिइयाङजन ओलसं लाङस्यु जोङ लुल लिज्याऔ, ओङ हिन्वाङ। 41 ओटन लुलल कुई कोलोअस्यु ओले नकाजन ऐआढोव, "तालिता कुमी," जोल अर्थ हो, "ऐ लुल ङा नङजन ऐढाना सोन्ते।" 42 ओटन ओचोएटै लुल सोव, ओटन बावतअसिऊ। ना लुल बारं बर्सला लेऊ। ओटन नवाए बेला नकाङ अचम्मै ताइवाङ।