34 तब येशुले आसिइयाङसं हुलजन आलेऊदेए खुल्स्यु नकाङजन ऐआढोवाङ, "काङ्का रु ङाछिन्ट रारां ङप्सिकन ओले ओलजन जै, तामानिऊत्या, ओटन आक्रूस वुरस्यु ङाछिन्ट ग्यालागित्या।✝ 35 दानाङभन्या जोले आपरान जोगाहौ रोंकौ नकाले ना गवाइवा, तर जोले ङामि सनर चान्याथाईल नाल्ट आपरान गवाहौ, ना ओले बचाइवा।✝ 36 दानाङभन्या रुले सोगलै जगत डोटौकन बै आपरान गवाहौ कन ओलजन नै फाइदा ताहौका? 37 अथाबा रुले आपरानल पोत नैति यांऔ आढुदुऊका, 38 यदि जो काङ्काईबै ईका ब्यबिचारी पापी पुस्ताङलं खार्ल ङा सनर ङा छेन त जो लाजह, रुल ज़ा बै आबौल महिमा त पबित्र दुतयाङसं रांन्या बेलाक नकाङजन रङस्यु लाजहा।"