1 Azizaŋa nǝ lɛ kǝ biŋ kiki iyi nǝk aner abɛ zǝ Arik: Na zhin ir keŋ ndi mne mbla abɛ zǝ Arik ne Galantiya abɛ na. 2 kɔ te bɛr yi sɔŋ sik tayi kɔ te ŋɔwa abɛ men anyak azɔb ne miŋ kɛ iki yiŋ ndi ayik, izhin bǝ men kpa kɛ nyak ndi mte nyɛ ba atei na tuŋ kinuŋ abiŋ ba. 3 Ndi mte nyɛ, fe M tei nǝk mplimplɛ iyi cɛr tǝ tsar abaŋ ndi izhin nǝ tanyɛmɛ bǝn abɛba tǝ vu zhin kiki me tǝ nǝk nǝ Urshelima. 4 Itei rɛ tem zǝ ba muŋ yi, atei kum goŋ.

5 Mǝ kam nyɛ ben abɛ zhi, ndi mte tsǝn tuntun yi Makidɔniya klɛ, M tei zǝ Makidɔniyi. 6 Ayi ndi M tei baŋ mkpaŋ ben abɛ zhin, kɔ mklɛ kus ben abɛ zhin, te zhin bǝ kum goŋ ndi mte gar kɔte me. 7 Bam wɔb tem yik zhin azizaŋa te ngar gayir sha ba; m zhɔk susun tǝm baŋ mkpaŋ ben abɛ zhin, ndi Ŋgɔŋ a te tanyɛme. 8 Ama M tei sɔŋ ne Afisa mla ne bɛr gyaŋ yi Pɛntekɔs, 9 tǝm yik alǝla angɔŋ ane na ndum ne bum, te aner abɛ te zor bene bɛm ayi tetɛk.

10 Ate yi ndi Timoti te nyɛ, kǝr abɛ yik ki yiŋ ndi itei nugu sǝsǝk ne miŋ min ba, ne min kɛ na ndum kɛ Ŋgɔŋ ndi myi amɛ. 11 Kǝr nuŋ ne miŋ min abɛ kyak tɔu shak ayi ba, ama izhin bǝ zɔgu ma nǝ tsǝn nǝ sik, tǝ abɛ ka ŋur akam anyak bǝn abɛm; tǝ M zǝn ŋub kam nyak maa ndɔ bǝn amunya.

12 Azǝzaŋa, nɛ tu ayi zumɔr Apolɔ. Mkpaŋ nuŋ M nǝgu lɛ tǝ abɛ gar bǝn abɛzhin bǝn nki amunya, ama banɛ nyak susun kɛ gara azizaŋa ba. Ate yik mkpaŋ, fɛna, ai ka gar.

13 Izhin bǝ hria ayi; te klɛ zhin mgbamgbaŋ ne tanyɛmɛ nǝ lɛ kɛ Arik; izhin bǝ yi aner abɛ klik asusun; tsǝ kli zhin. 14 Iki yiŋ ndi izhin tei nai, izhin bǝ nai ne nyɛr akpa.

15 Izhin ne zhi te aner abɛ kɔb Stifanu aba ayi abǝ ku ti ta Kristi ne ntun yi Akaya, ne na nǝk atu amen ne nek aner abɛ na ndum kɛ Arik kili, 16 izhin bǝ nek ir aner abaŋa atu amin, te ben akpǝkpa kpa mɔr abɛ na ndum ne miŋ kɛ ndum kɛ Arik. 17 Mne nyɛr ndi Stifanu ben Fotuneta bǝn Akaikas ne nyɛ, aba ne na iki yiŋ ndi ba zhin ne yime neyi ba. 18 Ne duŋ kpa muŋ ŋur klik ben zhineba min yi. Izhin bɛ gli ir aner abaŋa anenen.

19 Abɛ zǝ Arik ne ntun yi Asiya a tek zhin. Akila ben Bilkisu atǝk zhin ŋgɔŋ ne sak kɛ Arik, ben aneshir abɛ zǝ Arik ndi abiŋ ne kɔb men. 20 Bɔbɔk amunya ayaŋa atǝk zhin. Izhin bǝ tǝk kɔtǝ ŋɔ nǝ ku asa yi sɔŋ kǝ sik.

21 Nga, Bulus, mcɛr zhin tek yiŋɛ ne ŋɔk muŋ.

22 Iwaŋ ndi ba te nyɛr Ŋgɔŋ ba, anu amimin abɛ zeu. Arik nyɛ andanda!

23 Iki didik iyi Ŋgɔŋ Yesɔ bǝ yi bǝn abɛ zhin.

24 Nyɛr muŋ bǝ gar ben abɛ zhin ne sak kɛ Kristi Yesɔ. Bǝ yi amɛ.