1 Coríntios 8

Ikili ndi ne na irim

1 Fena ne tu ayi ikili ndi ne na irim neyi: Ta nǝ zhi tǝ ta yi mgbemgbeb. Mgbemgbeb bɛ iduŋ ta gli tu adidik, ama tanyɛmɛ iduŋ ta nyɛr akpa. 2 Ineshir waŋ ndi ate di wa ne zhi kinuŋ te bane zhi atar amkpa waŋ ndi ai bɛ zhiu ba. 3 Fe iner ndi anyer Arik ai wa ne zhiu.

4 Fena, nǝ ilɛ kǝ yak tǝ sur irim kili: ta nǝ zhi tǝ irim bai kinuŋ didik nǝ gɔŋmimi ndi tayi ne Arik izhiin. Iwa kiki maa. 5 kɔ ate yi ndi azhɔ nuŋ te <<arik,>> ne shu kɔ ne gɔŋ mimi, nǝ ye me <<anɛ arik>> yime tetɛk, bǝn <<aŋgɔŋgɔŋ,>> 6 kɔ ndi ne yeme bǝne bɛta ta yi nǝ Arik zhiin, Tetɛɛ, waŋ ndi kiki bɔbɔk ne nyɛ te ta yime; tena yi ne Ŋgɔŋ zhiin, Yesɔ Kristi, waŋ ndi kiki bɔbɔk ne nyɛ ne tu maa te duŋ ta yi atsitsir. 7 Fena ba kɔte ŋɔwa ne zhi iyiŋɛ ba. Aneshir anuŋ har azizaŋa anaga ri zǝ anerim te aba ate li kili yi sur anerim neyi, neme tǝ idur mǝne nǝ ka sik, tǝ wɔ tǝ aba neka cɔk ala ne atu ayi kili. 8 Tab zhi te ikili ba yi igli ta te gbahir ben Arik ba; ba ne la bene bɛ ta ba, ba nena la ba ate yi ndi ta te li kili me. 9 Izhin bǝ te zee, ndi yeme, te ŋurkam duŋ zuk zhɔk bane kam yi mkpaŋ yi tar za bǝn abɛ yaŋ klik ba. 10 Ate yi ner waŋ ndi idur maa ba aklik ba ate yik zhin ndi abɛ amgbɛmgbɛb te li kili ndi ne sur rim nǝ bur maa, te bai di wa maa yi ai li kili yi anerime kai? 11 Fena izumɔr ne yaŋ klik waŋa, waŋ ndi Kristi ne ku ne tu maa, izhin ne lau lɛ ne Mgbemgbeb min. 12 Ate yi ndi une la zumin lɛ ne ankɔŋ awaŋa te cɔk dur yi susun maa la, une laa Kristi lɛ. 13 Ne me, ate yi ndi ikili yiŋ ndi M tei lii tǝ itei duŋ zumɔr ala lɛ, kɔ atei na, bam tei na nta kɛ ba te kǝr abɛ duŋu zhaku ba.