1 Ndi mne nyɛ bene abezhin,amunya, bam ne nyɛ tem mku ntam ba kɔ mdi myi ne Mgbemgbeb ŋgɔŋ ndi mne bla zhin lɛ netu Arik. 2 Tǝ mne men ndi bam tei na ndi mne zhi kinuŋ ba ne mkpaŋ kɛ yi ndɔ mba Yesɔ Kristi ndi ai wa ne kpaŋu ne tu kuŋkun kǝ gen. 3 Mne nyɛ ben abezhin ne sik kpa ben sǝsǝk, ben iri kpa ŋgɔŋ. 4 Ilɛ muŋ bǝn ibla muŋ bai kɛ Mgbemgbeb bǝn nkan lǝlɛ yi zhi ki ba, ama ne na kiki ne mgbyamgbyaŋ kɛ Izhu Tsetser, 5 te duŋ itanyɛme min bǝ yaŋ sɔŋ ne Mgbemgbeb kɛ aneshir ama ne mgbyamgbyaŋ kɛ Arik.

6 Ta di, ne yeme,ne bla Mgbemgbeb lɛ ne miŋ kɛ abɛ hria ayi, ama bai Mgbemgbeb kɛ kab kǝŋe kɔ kai abɛ gli kab kǝŋe, ndi inyɛ mǝne ba yi ikinuŋ ba. 7 Ba yeme ba,ta lɛ raŋ ne Mgbemgbeb kɛ Arik, Mgbemgbeb keŋ ndi Arik ane sukǝ ayir tena mǝne na kɛ te lǝk ta tɛ mkpaŋa bǝ te. 8 Ba nuŋ ne min kɛ abɛ gli aner ne kab kǝŋe ne zhi kime, ate yi ndi ne ta lɛ kɛ Arik, bai bɛ di tǝ aba tei kpaŋ Arik Ŋgɔŋ ne lǝk gli nǝ shu nǝ kuŋkun kluklu kǝ gen ba. 9 Neme, ndi cɛrǝ idi, <<Iki ndi nuŋ bane yik ko ka abe wɔ ba, iki ndi nuŋ bane zhi tǝ itei na ba, ai yi Arik neka anai anyak abaŋ ndi a nyeru.>>

10 Ankyak Arik ne glii aruu tama ne ankɔŋ ane Izhu maa Tsetser.

Izhu mɔ zǝb kiki bɔbɔk, ben kiki yi yaŋ yik mɔr iyi rɛ ben Arik. 11 Tǝ ai ŋɔwa ne min kɛ aneshir ndi ne zhi ilɛ susun kǝ neshir mba izhu neshire wa ne tu maa? Ina yi amɛ inuŋ ba tei zhi ilɛ susun kǝ Arik ba mba Izhu ayou Arik ba. 12 Ba ta ne ta izhu yi gɔŋmimi ba ama ai Izhu yiŋ ndi Arik nɛ nek ta, te duŋ tabǝ zhi ki ndi Arik nɛ nek ta susun zhiin. 13 Waŋa ayi lɛ ndi ta bla kǝ, bai lǝlɛ yi bla ne tsar mgbemgbeb kɛ aneshir ba ai lǝlɛ yi tsar Izhu Tsetser, abla ta zub bǝn nkan lǝlɛ iyi izhu tsetser. 14 Iner ne yaŋ Izhu Tsetser ba ta nyɛmɛ ne kiki yiŋ ndi irɛ bǝn Izhu you Arik ba,te iyi ikisha bǝne bɔu,ba atei na zhi ba,te ne nai nǝ nkɔŋ kǝ izhu tsetser. 15 Iner ne yi ne izhu tsetser ana ki maa ne ŋas ne kiki yi na maa bɔbɔk, fe iwa ne tu maa ba te nuŋ ŋas ba:

16 Ndi lɛ kɛ Arik ne di<<Tǝ ayi ŋɔwa ne zhi susun kɛ Ŋgɔŋ

Ndi abɛ blau lɛ?>>

Fena taba yine susun kɛ Kristi.