1 Ate yi ndi anuŋ nǝ miŋ min abǝ zǝǝ Kristi aga aŋa nekpa, tǝ aye nii duŋ zhin vu akpa tǝ gar tǝǝ ambuk bǝn abǝ yaŋ zǝǝ Kristi tǝduŋ kǝr abɛ kɔ di iwa atei baŋu ate tǝ ambuk bǝn abǝ yaŋ zǝ Arik ba nǝ yiŋe abǝ duŋ abǝ zǝǝ Arik asɔŋ bǝne ba kai? 2 Ba zhin nǝ zhi tǝ abǝ zǝǝ Arik atei tǝǝ abǝ yaŋ zǝ Arik ambuk kai? Ate yi ndi izhin tei tǝǝ abǝ igɔŋmimi ambuk, ba zhin nǝ mla abǝ tǝǝ atu amin ambuk kai? 3 Ba zhin nǝ zhi tǝ ta tei tǝǝ abǝ shar Arik ambuk ka? Aye nii nǝ naŋ amɛ ndi bata tak sɔŋ ne akpa amɔr tǝ rim lɛ kǝ ga aŋa nǝ kiki yi yimɛ mɔr! 4 Ate yi ndi ir lɛ keŋe tǝ nyɛ, izhin tei baŋ ba tǝ nǝk tǝ abɛ sɔŋ kǝ men nɛ aŋɔk aner abaŋ ndi ba atɔ ba ashak ayi ne akabaŋkɔŋ? 5 Ishisha iyi nɛ atu amin! Iyi ame, iner nuŋ ayime izhiin inǝ yi mgbemgbeb nǝ miŋ min abɛ nǝk tu teduŋ abǝ zǝ Arik abɛ sɔŋ kǝ tanyɛmɛ nɛ kpa. 6 Ndi ame, inǝ zǝ Arik nuŋ abaŋ izumen tɛ gar amkpa anǝ tǝ ambuk tǝ abǝ yaŋ zǝ Arik abɛ tɛ ambuk nǝ lɛ mɛ!

7 Ikime iyi lɛ didik tǝ izhin yi nǝ mɔ nɛ akpa min ambuk iname izhin neka tsar iklu aŋin ndende. Bai bǝ re tǝ izhin bǝ la lɛ ka? Bai bǝ re tǝ izhin bǝ duŋ ata iki min ka?. 8 Neme, izhineba min yi la lɛ nɛ akpa tǝna ta iki iye akpa, aner abǝ zǝ Arik!

9 Ka ba zhin ne zhi tǝ abǝ na zumimin batei yik iyir kɔb kɛ Arik ba. Duŋ lɔm zhin atu amin ba; aner abaŋ ndi ayi bubu tiŋ kɔ azɛkur arik abǝ na nɛ aŋɔk kɔ abǝ vu amba ka aye alulum kurɔ akpa kur kɔ alulum akur ne akpa kɔ amba, 10 kɔ abǝ zhib, abǝ tǝ bubu, abǝ sɔ ki rǝrǝ iyi hwa, abǝ yen aner, abǝ ta aner ki ne mgbyamgbyaŋ, ba nuŋ ne miŋ mǝnɛ ndi atei yik amkpa nǝ kɔb kɛ Arik. 11 Waŋai ir keŋ ndi anuŋ amin ane yime. Ankyak ne su zhin, te ŋla zhin, te kǝr zhin bǝyi abɛ lalɛ ba ne sak kɛ Ŋgɔŋ Yesɔ Kristi ben izhu ayou Arik amɔr.

12 <<Kɔte nii nǝ ta nyɛm ma>>fena ba kɔte nii ba yi didik ba. <<kɔte nii nǝ ta nyɛm ma>>fe bam yi nǝ zhi kɔte nii ba. 13 Inuŋ atei di,<<Ikili yi nnɛ, fena mne nayi kǝ ikili.>> Iyeme; fe Arik atei gli iklɛtu iyaa mǝnɛ. Ikpa ba Arik ne na kǝ tǝ bǝ kur bǝn amba kɔ alulum abɛ nuŋ ba, ama tǝ bǝ yi kɛ Ŋgɔŋ; fǝna Ŋgɔŋɔ awɔb anǝk kpa. 14 Nǝ mgbyamgbyaŋ kǝŋe Arik ne lɛk Ŋgɔŋ Yesɔ ne ku, fe Yesɔ atei na lǝk ta ne ku maayi. 15 Ba zhin nǝ zhi tǝ akpa mine ayi igyaŋ yi Kristi maa yime ka? Fe M tei baŋ igab kpa yi Kristi ntǝ yaŋ nǝ kpa kɛ iwa nǝ zǝ alulum mei? Bane te ba! 16 Ba zhin ne zhi te ner waŋ ndi ate yaŋ kpa maa bǝn iwa nǝ kur nten bǝn alulum ayi iki zhiin bǝne bɔu nǝ kpa zhiin ka? Tǝ ne di,<<Iyaa mǝne atei yi kpa zhiin.>> 17 Fe ate yi ndi inuŋ ate yaŋ ikpa maa bǝn Ŋgɔŋ ayi kpa zhiin bǝne bɔu nǝ miŋ kɛ izhu tsetser.

18 Tǝ shaan nǝ nkɔŋ kɛ zǝ amba kɔ kǝ alulum. Kuŋkɔŋ iyi la lɛ nuŋ bɔbɔk ndi bane yi iyi yaŋ kpa neshir ba, ama iwaŋ ndi ate la lɛ yi kur bǝn amba kɔ alulum ne la lɛ netu kǝ kpa maa. 19 Ba zhin nǝ zhi te ikpa min iyi akabaŋkɔŋ anǝ sɔŋ Izhu Tsetser, ndi iyi nǝ miŋ min, iyiŋ ndi izhin ne ta bǝn Arik kai? Ba zhin yi abɛ atu amin ba izhin yi abɛ Arik; 20 nɛ lɛb zhin. ne ku ne kuŋkun kɛ gen. Fena izhin bǝ nǝk Arik akpa min.