1 Amunya, bam tei na lɛ bǝn abezhin ndi aner abaŋ ndi ayi nǝ izhu tsetser ba; M lɛ bǝn abezhin ndi izhin ri yi abǝ gɔŋmimi, ndi amumun nǝ min kǝ tanyɛmɛ yi zǝ Kristi. 2 Mnǝ nǝk zhin amayak, ba kili yi kpamkpak ba, te ba zhin ne zen te abɛ lii kili yi klik ba. Neme, har azizaŋa ba zhin ne zǝn mla ba. 3 Izhin nak ri yi ndi abɛ yaŋ zhi Arik. Tǝ izhin te ankiŋki tena vǝǝ ne akpamin, ba zhin yi abǝ yaŋ zhi Arik kai? Ndi ka izhin yi anenen bǝn aner abǝ iyaŋ zǝ Arik o? 4 Tǝ ate yi ndi inuŋ adi,<<Ŋgam zǝ Bulus,>>inuŋ adi,<<Ŋgam Apolɔ,>>ba zhin yi aneshir ankyak kai?

5 Aye nii, ndi amɛ, ayi Apolɔ? Ka ŋɔwa ayi Bulus? Ayi agɛn ankyak, aye ba ne glii ta lɛ kɛ ta nyɛmɛ nǝ lɛ kɛ Arik Ŋgɔŋ ne nǝk kɔte ŋɔ ndum kɛ na. 6 Neyi ndi mne tib bǝbǝ ki, Apolɔ ne abwai amashir,fe Arik ne duŋǝ flu 7 Fena kɔ abɛ yine tib kɔ abɛ yine bwa amashir bai kinuŋ ba, ayi Arik Iwa ankyak, aduŋ kikime flu. 8 Waŋ ndi atib ben ine bwa amashir nɛ zhɔk ki zhiin ne ti, fena kɔte ŋɔwa atei nǝgu idǝk maa ne ndum ndi ne na. 9 Tǝ tayi akpa abǝ na ndum kɛ Arik, fɛna izhineba yi ndi ahwaŋ ayou Arik. Izhin yi imɛ iyi Arik.

10 Iki yi nǝk ndi Arik ne nǝm, Mne zhɔk tanda ndi ne mɛ ŋgɔŋ, fe ner nuŋ ne me ne tu mɔ. Fena kɔte ŋɔwa abɛ zǝ bwe ne mɛ maa. 11 Tǝ nuŋ batei sak tanda maa kaaŋkaŋ inaŋ yiŋ ndi neka sak kɛ ba, te ayi Yesɔ Kristi. 12 Ner waŋ ndi ate mɛ netu tanda ma kai mɛ ne azurfa, kai izineriya, kai mkpaŋ didik yi baŋ ayi, kai kuŋkun,kai atakpu, 13 atei tsar ndum keŋ ndi nena,te Ibɛre Arik atei duŋǝ laŋ ngɔŋ. Atei burǝ agli rumɔ ne lu,ndi amɛ ilumɔ tei tsar ndum maa atei tsar kɛ ka yi kikin,te iber ŋgɔŋɔ ilu kɛ laŋ itei duŋ ayik ndumo ndende. Atei blak kɛ ne lu, fena ilumɔ itei tsar ire kɔte ndum kɛ ŋɔwa. 14 Ate yi ndi ime maa te klɛ, atei ta idǝk maa. 15 Ate yi ndi ime maa te goŋ, ai na ndum kɛ dǝk isha; iwa ne tu maa ai lieru, ama ndi ne naŋ ru ne lǝlɛn lu kɛ ta.

16 Ba zhin ne zhi te izhineba netu amin ai amkpa ane sɔŋ ayou Arik tena yi amkpa ane sɔŋ Izhu tsetser iye Arik kai? 17 Iwaŋ ndi ate cɔk amkpa ane sɔŋ ayou Arik ala, Arik atei cogu ala ma yi; te akabaŋkɔŋ ayou Arik ayi tsetser, fena ijineba yi akaba ma. 18 Duŋ lɔm akpamin ba. Ate yi ndi inuŋ ne miŋ mine adi iwa ayi Mgbemgbeb ne tsǝn kɛ kab kǝŋe, abɛyi <<bliblik>>ndi ai ka yi Mgbemgbeb. 19 Tǝ Mgbemgbeb kɛ gɔŋmimi kǝŋe iyi bliblik ne ti kɛ Arik. Ndi ne cɛr: <<Avuŋ abɛ Mgbemgbeb ne Mgbemgbeb mǝne>>; 20 fe icɛr nuŋ idi,<<Ŋgɔŋ ne zhi ilɛ kɛ asusun abɛ Mgbemgbeb ayi ki sha>>. 21 fena, iŋur asa ba na yime netu ayi neshir ba! Iki bɔbɔk iyi min, 22 Ka ayi Bulus ka ayi Apolɔ ka ayi kefas ka gɔŋmimi kɛ sɔŋ yaŋ ku ka iku kɛ azǝzaŋa ka bɛr nuŋ iyi min bɔbɔk. 23 Fena izhineba yi abɛ Kristi, fe Kristi ayi ayou Arik.