1 Azizaŋa, azǝn bla tedi izhin na kiki mimin nɛ akpa min anuŋ azǝn vu amba kurɔ, ir keŋ ndi ba anai ne miŋ kɛ abǝ yaŋ zǝ Arik nǝ yaŋ shisha. Iner avuŋ iwa Tetɛɛ amaa akurɔ. 2 Fena izhin ŋur asa! Ba susun ibǝ lɛn zhin te yar zhin neshire ne zǝ zhin bine tu ne ki ndi ne nama kai? 3 Mnǝ zhi bam yime bǝn abezhin azizaŋa ba, Myi bǝn zhin ne min kɛ izhu. Ndi amɛ mne ka men yik ilalɛ yi ner waŋ ndi nena iki yi shisha iyiŋɛ, ayi ndi mne yime ne amkpama. 4 Ate yi ndi izhin ne biŋ ne sak kɛ Yesɔ Ŋgɔŋ amɔr bǝn Nga tǝ bǝn izhineba ne miŋ kɛ izhu, fe mgbyamgbyaŋ kɛ Yesɔ Ŋgɔŋ amɔr iyime. 5 Baŋ zhin neshir waŋa nǝk shetan, te duŋu abɛ zir bubu iyi miŋ kpa yi lalɛ maa ndi izhu maa ai ka tai azhɔk ne bɛr yi nyɛ Ŋgɔŋ.

6 Iŋur asa min ba re ba. Ba zhin ne zhi te muɔ mumuŋ atuntu watsɔb isaŋ shak mumuŋ yiŋ ndi ne aya i aŋyak kai? 7 Izhin bǝ baŋ mumuŋ cice iyi lalɛ ityak hrie te duŋ zhin bǝyi ayayas abɛ yaŋ atuntu ndi izhin yime. Tǝ Kristi, ndi Wa ayi nklu nǝ yak, neka yagu. 8 Fena duŋ ta bǝ gli iber yi gyaŋa yi tuk glak, bane cice mumuŋ yi atuntu ba, ibǝyi borodi kɛ zub bǝn anenen.

9 Mne cɛr zhin mplɛ ne lɛ muŋɔ te ndi duŋ tsǝn zhin ben aner abɛ wɔb amba ba. 10 Azizaŋa bam nǝ ndi abǝ yaŋ zǝ Arik kai abaŋ ndi azǝ amba kai abǝ zhib kai abǝ azɛkur aririk. Itǝ shaan bǝn bǝba izhin bǝ ru nǝ miŋ mǝne iyaŋ ŋurkam. 11 Fena azizaŋa ngam cɛr zhin mplɛ tǝ ndi ba zhin tei tsǝn bǝn inuŋ waŋ ndi azhɔ tu maa te wa ayi zumin ama azǝ amba kɔ atǝ bubu, kɔ azǝ arik abǝ yaŋ vli, kɔ so ki rǝrǝ te hwa, kɔte izhib, kǝr zhin bǝ li kili agbǝgba zhin ben aba ba. 12 Ndi nǝ ka yi bɔbɔk, Imuŋ ye nii tǝm ndi M tei tǝǝ abɛ yaŋ zhi Arik ŋas? Ba zhin tei abaŋ ndi ayi ne miŋ min kai? 13 Arik atei ka tǝǝ abǝ abɛm ŋas. <<Yar zhin ner mimin ne miŋ min.>>